వాట్సప్ లో త్వరలో రానున్న సరికొత్త ఫీచర్.. !?

నేటి సమాజంలో వాట్సప్ గురించి తెలియని వారంటూ ఉండరు.చిన్న పిల్లల నుండి ముసలి వాళ్ళ వరకు అందరు వాట్సప్ ని వాడుతూనే ఉన్నారు.

ప్రపంచం మొత్తం మీద వాట్సాప్ కు విపరీతమైన ఆదరణ కలిగి ఉంది.అయితే గత రెండు నెలల నుంచి వినియోగదారుల సంఖ్య భారీగా తగ్గింది.

సోషల్ మీడియా ప్లాట్‌ఫారమ్‌లలో ఎక్కువగా ఉపయోగించే వాటిలో వాట్సాప్ అన్నిటి కంటే ముందు వరుసలో ఉంది.ఇక సోషల్ మీడియా యాప్ లలో వాట్సాప్ కంటే ముందు ఫేస్‌బుక్ వంటివి వచ్చినప్పటికీ మార్కెటింగ్ విషయంలో కొద్దిగా బిన్నంగా ఉంది.

ఇక వాట్సప్ వాడుకలోకి వచ్చిన దగ్గర నుండి ఎప్పటికప్పుడు సరికొత్త ఫీచర్లుని తీసుకొస్తుంది.తాజాగా వాట్సప్ సంస్థ సరికొత్త ఫీచర్ ని అందుబాటులోకి రానున్నట్లు వెల్లడించారు.

ఇక వాట్సాప్ వీడియోలను తమ ప్లాట్‌ఫామ్‌లో షేర్ చేయడానికి ముందు అందులో గల వాయిస్ ను మ్యూట్ చేయడానికి సరికొత్త ఫీచర్ ని అందుబాటులోకి రానున్నది.తాజాగా WABetaInfo యొక్క కొత్త నివేదిక ప్రకారం ఈ ఫీచర్ ఆండ్రాయిడ్ బీటా వినియోగదారుల కోసం రూపొందించబడిందని సంస్థ యాజమాన్యం తెలిపారు.

అలాగే త్వరలో బహిరంగంగా కూడా విడుదల చేయబడుతుందని వెల్లడించారు.