ఏనుగులు( Elephant ) చాలా తెలివైనవి.వాటి జ్ఞాపక శక్తి కూడా అమోఘం అని చెప్పుకోవచ్చు.
సాధారణంగా ఇతరుల వస్తువులు మనకు సమీపంలో కింద పడినప్పుడు దానిని తీసి వారికి ఇచ్చేస్తుంటాం.ఆ తెలివి, దయ మనకి మాత్రమే కాదు ఏనుగులకు కూడా ఉన్నాయని ఒక వైరల్ వీడియో చెప్పకనే చెబుతోంది.
ఆ వీడియోలో మనం ఒక పెద్ద ఏనుగు ఓ షూ తిరిగి మనుషులకు ఇవ్వడం చూడవచ్చు.ఈ ఏనుగు చైనాలోని షాండియో యానిమల్ నేచర్ రిజర్వ్‌లో నివసిస్తోంది.
అయితే దీనిని చూసేందుకు రోజూ ఎంతోమంది విజిటర్లు వస్తుంటారు.ఒకానొక రోజు ఒక పిల్లోడు దీనిని చూసేందుకు వచ్చాడు.ఆ పెద్ద ఏనుగును దగ్గర్నుంచి చూడటంతో పిల్లోడు కేరింతలు కొట్టాడు.ఆ క్రమంలో తన ఆట షూ ఏనుగు ఎన్‌క్లోజర్‌( Enclosure )లో పడేసాడు.ఆపై ఏడవటం మొదలుపెట్టాడు.అయితే దీనిని గ్రహించిన సదరు ఏనుగు ఆ పిల్లోడికి తిరిగి ఆ షూ ఇచ్చేసింది.
దీనికి సంబంధించిన వీడియోను సైన్స్ గర్ల్ అనే ట్విట్టర్( Twitter ) పేజీ షేర్ చేసింది.ఆ వీడియో ఓపెన్ చేస్తే ఏనుగు చాలా సున్నితంగా బొమ్మను తన తొండంతో పట్టుకుని ఆపై ఎన్‌క్లోజర్‌ బయట నిలబడి ఉన్న పిల్లోడి తల్లిదండ్రులకు అందజేయడం మనం గమనించవచ్చు.ఈ వీడియో చూసి చాలామంది ఫిదా అవుతున్నారు.ఆ ఏనుగు చాలా మంచిది అని, స్మార్ట్ అని కామెంట్లు చేస్తున్నారు.అడవి జంతువులలో కూడా దయ ఉంటుందని ఈ వీడియో చూస్తే అర్థం చేసుకోవచ్చని మరి కొందరు అన్నారు.ఈ వీడియోకు 7 లక్షల కు పైగా వ్యూస్, పదివేల దాకా లైక్స్ వచ్చాయి దీనిని మీరు కూడా చూసేయండి.
