ఉజ్బెకిస్తాన్ మాజీ అధ్యక్షుడు ఇస్లాం కరీమోవ్ ( Islam Karimov )కుమార్తె గుల్నారా కరీమోవా( Gulnara Karimova ) ప్రస్తుతం ప్రపంచవ్యాప్తంగా చర్చనీయాంశంగా మారింది.ఆమె లండన్ నుండి హాంకాంగ్ వరకు పెద్ద ఎత్తున ఆస్తులు కూడబెట్టింది.దాదాపు రూ.2 వేల కోట్ల ఆస్తులను అక్రమ మార్గాల్లో సంపాదించింది.ఫ్రీడమ్ ఫర్ యురేషియా అధ్యయనం ప్రకారం, లంచం మరియు అవినీతి ద్వారా సంపాదించిన డబ్బును ఉపయోగించి ఆస్తులు కూడగట్టినట్లు తెలుస్తోంది.UK కంపెనీలను, ఆస్తులను, ప్రైవేట్ జెట్ విమానాన్ని కొనుగోలు చేయడానికి ఆమె ఉపయోగించిందని తేలింది.
విదేశీ నేరస్థులు UKలో ఉండే ఆస్తులు, డబ్బులను మనీ లాండరింగ్ చేయడానికి ఉపయోగించకుండా నిరోధించడానికి బ్రిటిష్ ప్రభుత్వం( British Govt ) ఎటువంటి వేగవంతమైన చర్యలు తీసుకోవడం లేదు.ఇక కరీమోవా సంస్థలకు, ఎవరైనా సహకారం అందిస్తున్నారా అనే విషయంపై కూడా స్పందన లేదు.దీనిపై UKలో ఎటువంటి విచారణ సాగలేదు.కరిమోవా గతంలో తన తండ్రికి వారసురాలిగా పేరొందింది.ఆమె “గూగూషా” అనే స్టేజ్ నేమ్ని ఉపయోగించి మ్యూజిక్ వీడియోలలో కనిపించింది.ఆభరణాల వ్యాపారాన్ని చేస్తోంది.
స్పెయిన్లో రాయబారిగా సేవలు అందించింది.అయితే, 2014లో ఆమె ప్రజల దృష్టికి దూరమైంది.
2017 డిసెంబర్లో ఆమెను తండ్రి అధికారంలో ఉండగానే అవినీతికి పాల్పడ్డారనే అనుమానంతో జైలులో పెట్టారు.కరీమోవా తన గృహ నిర్బంధ షరతులను ఉల్లంఘించినందుకు 2019లో జైలు శిక్ష ఎదుర్కొంది.UK, రష్యా, యునైటెడ్ అరబ్ ఎమిరేట్స్తో సహా 12 దేశాలలో విస్తరించి ఉన్న $1 బిలియన్ కంటే ఎక్కువ ఆస్తులను ఆమె కూడబెట్టిందనే ఆరోపణలున్నాయి.ఆ ముఠాలో ఆమె కూడా ఒకరని కొందరు వాదిస్తారు.
అవినీతి నగదుతో కొనుగోలు చేసిన కొన్ని స్థిరాస్తులు ఇప్పటికే విక్రయించబడ్డాయి.UK, స్విట్జర్లాండ్, ఫ్రాన్స్, దుబాయ్ మరియు హాంకాంగ్లలో కనీసం 14 ఆస్తులను ఆమె నిర్బంధానికి ముందు అనుమానాస్పద నిధులతో కొనుగోలు చేయబడ్డాయి.