తెలంగాణ కేబినెట్ సమావేశం ఈనెల 4వ తేదీన జరగనుంది.సీఎం కేసీఆర్ అధ్యక్షతన మధ్యాహ్నం 2 గంటలకు మంత్రివర్గం భేటీ కానుంది.
ఈ మేరకు తెలంగాణ సచివాలయంలో కేబినెట్ సమావేశం జరగనుంది.అయితే డిసెంబర్ 3న అసెంబ్లీ ఎన్నికల ఫలితాలు రానున్న సంగతి తెలిసిందే.
ఫలితాలు ఏ విధంగా ఉన్నా మంత్రివర్గం భేటీ జరగనుంది.ఐదేళ్ల పాలనపై కేబినెట్ ప్రధానంగా చర్చించే అవకాశం ఉంది.
అనంతరం పాలనపై గవర్నర్ కు ఓ నివేదికను ప్రభుత్వం సమర్పించే అవకాశం ఉందని తెలుస్తోంది.ఈ నేపథ్యంలో కేబినెట్ భేటీపై సర్వత్రా ఉత్కంఠ నెలకొంది.
