యంగ్ హీరో సందీప్ కిషన్ ఇటీవల కాలంలో మంచి కంటెంట్ ఉన్న సినిమాలను చేస్తూ దూసుకుపోతున్నాడు.ఆయన నటిస్తు్న్న సినిమాల కోసం ప్రేక్షకులు ఎదురుచూస్తున్నారంటే, ఆయన ఎలాంటి సినిమాలు చేస్తున్నాడో అర్థం చేసుకోవచ్చు.
వైవిధ్యమైన కంటెంట్ ఉన్న సినిమాలను వరుసబెట్టి చేస్తూ ఈ హీరో సక్సెస్ అందుకుంటున్నాడు.ఈ క్రమంలోనే సందీప్ కిషన్ తన తాజా చిత్రం A1 ఎక్స్ప్రెస్ను రిలీజ్కు రెడీ చేస్తున్నాడు.
ఈ సినిమాతో హాకీ స్పోర్ట్స్ బ్యాక్డ్రాప్ కథను మనముందుకు పట్టుకొస్తున్నాడు ఈ హీరో.టైటిల్తోనే ప్రేక్షకుల్లో ఆసక్తిని క్రియేట్ చేసిన ఈ హీరో, A1 ఎక్స్ప్రెస్తో అదిరిపోయే హిట్ కొట్టాలని కసిగా ప్రయత్నిస్తున్నాడు.
ఈ సినిమా కోసం తీవ్రంగా కష్టపడుతున్న సందీప్ కిషన్, ఏకంగా సిక్స్ ప్యాక్ బాడీతో చాలా స్లిమ్గా తయారయ్యాడు.ఇక ఈ సినిమాకు సంబంధించిన ఫస్ట్ లుక్ పోస్టర్ను చిత్ర యూనిట్ తాజాగా రిలీజ్ చేశారు.
ఈ పోస్టర్లో సందీప్ ఓ చేతిలో హాకీ స్టిక్ పట్టుకుని, మరో చేత్తో తన జెర్సీ విప్పి పైకి ఎగరేస్తూ సంతోషంగా కనిపిస్తున్నాడు.సిక్స్ ప్యాక్ బాడీని మనకు సైడ్ నుండి చూపెట్టిన సందీప్, ఈ సినిమాలో మరిన్ని సర్ప్రైజ్లు ఇచ్చేందుకు రెడీ అవుతున్నాడనడంలో ఎలాంటి సందేహం లేదు.
ఇక ఈ సినిమాలో హీరోయిన్గా అందాల భామ లావణ్య త్రిపాఠీ నటిస్తోంది.ఈ సినిమాను కొత్త దర్శకుడు డెన్నిస్ కనుకొలను డైరెక్ట్ చేస్తుండగా AA ఆర్ట్స్, పీపుల్ మీడియా ఫ్యాక్టరీ, వెంకటాద్రి టాకీస్ సంయుక్తంగా ఈ సినిమాను ప్రొడ్యూస్ చేస్తున్నాయి.
హిప్హాప్ తమిళ ఈ సినిమాకు సంగీతం అందిస్తుండగా, ఇప్పటికే రిలీజ్ అయిన ‘సింగిల్ కింగులం’ పాట ప్రేక్షకులను అమితంగా అలరించింది.మరి సందీప్ కిషన్ కెరీర్లో 25వ చిత్రంగా వస్తున్న A1 ఎక్స్ప్రెస్ ఎలాంటి విజయాన్ని అందుకుంటుందో తెలియాలంటే ఈ సినిమా రిలీజ్ అయ్యే వరకు ఆగాల్సిందే.