పుష్ప సెట్ లో సందడి చేసిన సుకుమార్ ఫ్యామిలీ..!

ప్రస్తుతం సైలిష్ స్టార్ అల్లు అర్జున్ పుష్ప సినిమా చేస్తున్నాడు.ఈ సినిమాకు టాలెంటెడ్ డైరెక్టర్ సుకుమార్ దర్శకత్వం వహిస్తున్నారు.

అల్లు అర్జున్ కెరీర్ లో మొదటిసారి పాన్ ఇండియా సినిమా చేస్తున్నాడు.ఈ సినిమాలో రష్మిక మందన్న హీరోయిన్ గా నటిస్తుంది.

అల్లు అర్జున్ అల వైకుంఠపురములో సినిమా తర్వాత చేస్తున్న ఈ సినిమాపై అభిమానులు భారీ అంచనాలు పెట్టుకున్నారు.అల్లు అర్జున్ ఈ సినిమాలో ఎర్ర చందనం స్మగ్లర్ గా నటిస్తున్నాడు.

రష్మిక మందన్న ఒక గిరిజన యువతిగా నటిస్తుంది.ఈ సినిమా ను మైత్రి మూవీ మేకర్స్ వారు భారీ స్థాయిలో తెరకెక్కిస్తున్నారు.

మలయాళ స్టార్ హీరో ఫహద్ ఫాసిల్ ఈ సినిమాలో విలన్ గా నటిస్తున్నాడు.ఈ సినిమా షూటింగ్ ప్రస్తుతం శరవేగంగా జరుగుతుంది.

ప్రస్తుతం అల్లు అర్జున్ కు విలన్ కు మధ్య జరిగే సన్నివేశాలను చిత్రీకరిస్తున్నారని సమాచారం.

అయితే తాజాగా పుష్ప సెట్ లో సుకుమార్ ఫ్యామిలీ సందడి చేసింది.సుకుమార్ భార్య, పిల్లలు పుష్ప సెట్ లోకి అడుగు పెట్టడంతో ఒక్కసారిగా సందడి వాతావరణం నెలకొంది.తాజాగా తమిళనాడు అడవుల్లో షూటింగ్ పూర్తి చేసుకుని షూటింగ్ కు కాస్త గ్యాప్ ఇచ్చి మళ్ళీ మొదలు పెట్టారు.

ఈ షెడ్యూల్ లో యాక్షన్ సన్నివేశాలను చిత్రీకరించబోతున్నారని తెలుస్తుంది.షూటింగ్ లొకేషన్ లో దిగిన కొన్ని ఫోటోలను సుకుమార్ భార్య సోషల్ మీడియాలో షేర్ చేసింది.ఈ పోస్టులో సుకుమార్ పిల్లలతో ఎలా గడుపుతున్నాడో వివరించింది.

ఇది ఇలా ఉండగా ఈ సినిమాలో స్పెషల్ సాంగ్ లో బాలీవుడ్ బ్యూటీ ఊర్వశి రౌటేలా నటిస్తుంది.ఈ సినిమాను శరవేగంగా పూర్తి చేసి స్వతంత్ర దినోత్సవ సందర్భంగా ఆగస్టు 13 న విడుదల చేయాలనీ భావిస్తున్నారు.