ఇంగువను రెగ్యుల‌ర్‌గా తీసుకుంటున్నారా? అయితే జ‌ర జాగ్ర‌త్త‌!

వంట‌ల‌కు అద్భుత‌మైన రుచి, వాస‌న‌ను అందించ‌డంలో ఇంగువ‌ది ప్ర‌త్యేక‌మైన స్థానం అన‌డంలో సందేహ‌మే లేదు.అందుకే కొంద‌రు ఇంగువ‌ను రెగ్యుల‌ర్‌గా తీసుకుంటారు.

పైగా ఇంగువ ఆరోగ్యానికి ఎంతో మేలు చేస్తుంది.జ్ఞాప‌క శ‌క్తిని పెంచ‌డంలోనూ, అధిక బ‌రువును త‌గ్గించ‌డంలోనూ, మ‌ధుమేహం వ్యాధిని అదుపు చేయ‌డంలోనూ, మూత్ర పిండాల స‌మ‌స్య‌ల‌ను నివారించ‌డంలోనూ ఇంగువ గ్రేట్‌గా స‌హాయ‌ప‌డుతుంది.

అయితే ఆరోగ్యానికి ఎన్ని ప్ర‌యోజ‌నాల‌ను అందించిన‌ప్ప‌టికీ.ఇంగువ‌ను ప‌రిమితికి మించి తీసుకుంటే మాత్రం అనేక ఇబ్బందుల‌ను ఎదుర్కోవాల్సి వ‌స్తుంది.

సాధార‌ణంగా గ్యాస్‌, అజీర్తి, క‌డుపు ఉబ్బ‌రం వంటి స‌మ‌స్య‌ల‌ను త‌గ్గించ‌డంతో ఇంగువ చాలా బాగా ఉప‌యోగ‌ప‌డుతుంది.కానీ, అదే ఇంగువ‌ను ఓవ‌ర్ తీసుకుంటే మాత్రం గ్యాస్‌, అజీర్తి, క‌డుపు ఉబ్బ‌రం, గుండెల్లో మంట త‌దిత‌ర‌ జీర్ణ సంబంధిత స‌మ‌స్య‌లు మ‌రింత ఎక్కువ అయ్యే ప్ర‌మాదం ఉంటుంది.

అలాగే ఇంగువ ఆరోగ్యానికి మంచిదే.కానీ, ప్రెగ్నెన్సీ స‌మ‌యంలో మాత్రం దాన్ని ఎవైడ్ చేయ‌డ‌మే మంచిది.

ఎందుకంటే, ఇంగువ ఒక్కోసారి గ‌ర్భ‌స్రావానికి దారి తీసేలా చేస్తుంది.