చూపు లేకపోయినా ఐఐఎం పరీక్షలో ప్రతిభ చూపిన యువతి.. ఈమె సక్సెస్ కు వావ్ అనాల్సిందే!

కంటిచూపు లేకపోతే నిత్యం ఎదుర్కొనే ఇబ్బందులు అన్నీఇన్నీ కావు.అలాంటి కంటిచూపు లేని వ్యక్తులు లక్ష్యాలను సాధించాలంటే ఎన్నో సమస్యలను అధిగమించాలి.

అయితే కంటిచూపు లేకపోయినా ఒక యువతి మాత్రం ఐఐఎం పరీక్షలో సత్తా చాటి ప్రశంసలు పొందుతోంది.దేశంలో 21 ఐఐఎం కళాశాలలు( IIM Colleges ) ఉండగా 19 కళాశాలల్లో అర్హత సాధించిందంటే ఈ యువతి ప్రతిభ ఏపాటిదో అర్థమవుతుంది.

తెలంగాణ రాష్ట్రంలోని జహీరాబాద్ పట్టణం గుడి మహెలాలకు చెందిన కొత్తకాపు శివాని( shivani ) సక్సెస్ స్టోరీపై ప్రశంసల వర్షం కురుస్తోంది.మాది వ్యవసాయ కుటుంబం అని అక్క గ్రూప్4 పరీక్ష రాసి ఉద్యోగం సాధించిందని ఆమె పేర్కొన్నారు.

మా చెల్లి భవానికి సైతం 80 శాతం చూపు లేదని శివాని తెలిపారు.చెల్లి హైదరాబాద్ సెంట్రల్ యూనివర్సిటీలో ఎంబీఏ సీటు సాధించిందని ఆమె చెప్పుకొచ్చారు.