కాంగ్రెస్ లో మళ్లీ మొదలు !  చిచ్చు రేపిన రేవంత్ !

తెలంగాణ కాంగ్రెస్ లో ( Telangana Congress ) పరిస్థితి చక్కబడిందని, పార్టీ నాయకులంతా గ్రూపు రాజకీయాలను పక్కనపెట్టి కాంగ్రెస్ విజయానికి కృషి చేస్తున్నారని ఆ పార్టీ అధిష్టానం సంతోషించే లోపే అనూహ్యంగా చోటుచేసుకున్న ఓ పరిణామం మళ్లీ యథాస్థితికి తెలంగాణ కాంగ్రెస్ ను తీసుకురాబోతోంది అనే పరిస్థితులు కనిపిస్తున్నాయి.మొదటి నుంచి తెలంగాణ కాంగ్రెస్ అధ్యక్షుడు రేవంత్ రెడ్డి( Revanth Reddy ) వైఖరిని తప్పుపడుతూ , ఆయనపై ప్రత్యక్షంగాను , పరోక్షంగాను విమర్శలు చేస్తూ వస్తున్న కాంగ్రెస్ సీనియర్లు గత కొద్ది రోజులుగా సైలెంట్ గా ఉన్నారు పార్టీ అధికారంలోకి వస్తే చాలు అన్నట్లుగా వ్యవహరిస్తున్నారు.

అయితే కొద్దిరోజుల క్రితమే అమెరికాకు వెళ్లిన తెలంగాణ కాంగ్రెస్ అధ్యక్షుడు రేవంత్ రెడ్డి తెలంగాణలో ఉచిత విద్యుత్ పథకం పై వివాదస్పద వ్యాఖ్యలు చేశారు .24 గంటల విద్యుత్ అవసరం లేదంటూ మాట్లాడిన రేవంత్ వ్యవసాయానికి మూడు నుంచి ఎనిమిది గంటల విద్యుత్ సరఫరా చేస్తే సరిపోతుంది అంటూ మాట్లాడారు .