నోటి దుర్వాసన చాలామందిని ఇబ్బందిపెడుతుంది.బయటకు సరిగా వెళ్ళలేరు, వెళ్ళినా ఎవరితోనూ ఆత్మవిశ్వాసంతో మాట్లాడలేరు.
పొరపాటుగా నోరు తెరిచినా, వారితోపాటు వారి ముందు ఉన్నవారు కూడా ఇబ్బంది పడాలి.మరి ఈ నోటి దుర్వాసన ఎందుకు వస్తుంది? దీని వెనుక కారణాలు ఎంటో చుద్దాం.
* నోటి దుర్వాసన రావడానికి, మొదటి కారణంతో పాటు అతిముఖ్యమైన కారణం పళ్ళు సరిగా శుభ్రపరచకపోవడం.పళ్ళలో ఇరుక్కుపోయే ఆహార పదార్థాలు బ్యాక్టీరియాకు చోటునిస్తాయి.దాంతో దుర్వాసన రావడం మొదలవుతుంది.అలాగే నాలుకను సరిగా శుభ్రపరచకపోవడం కూడా నోటి దుర్వాసనకు కారణం.
* నీళ్ళు తక్కువగా తాగడం కూడా నోటి దుర్వాసనకు కారణమవుతుంది.నీరు తక్కువగా తాగితే నోరు పొడిగా ఉంటుంది.
దీంతో దుర్వాసన వస్తుంది.
* బ్రేక్ ఫాస్ట్ చేయకపోవడం కూడా నోటి దుర్వాసనకు కారణంగా చెబుతారు.
బ్రేక్ ఫాస్ట్ స్కిప్ చేయడం వలన కూడా నోరు డ్రైగా మారుతుంది.దాంతో క్రిములు మీ నోటి మీద దాడిచేస్తాయి.
కాబట్టి ఉదయాన్నే మంచి ఆహారం తీసుకోవడం ఎంతో అవసరం.
* ప్రోటిన్స్ ఉండే ఆహారం ఎక్కువగా తీసుకున్నా, నొటి దుర్వాసన రూపంలో ఒక ఇబ్బంది రావొచ్చు.
ఎప్పుడైనా గమనించారా? చికెన్ ఎక్కువగా తింటే దుర్వాసన వస్తుంది.కాబట్టి ప్రోటీన్లు ఎక్కువగా ఉన్న అహారాన్ని మన పరిస్థితులు గమనించి తీసుకోవాలి.