బాలయ్యకు భయపడిన కీర్తి సురేష్.. ఆ సినిమాను వాయిదా వేస్తూ?

టాలీవుడ్ స్టార్ హీరోయిన్లలో ఒకరైన కీర్తి సురేష్ బాలయ్యకు భయపడ్డారా? అనే ప్రశ్నకు అవుననే సమాధానం వినిపిస్తోంది.

ఈ నెల 10వ తేదీన రిలీజ్ కావాల్సిన కీర్తి సురేష్ సినిమా గుడ్ లక్ సఖి వాయిదా పడింది.

మహానటి తర్వాత కీర్తి సురేష్ నటించిన సినిమాలు బాక్సాఫీస్ వద్ద ఫ్లాప్ గా నిలిచాయి.గుడ్ లక్ సఖితో కీర్తి సురేష్ సక్సెస్ సాధిస్తారని కీర్తి సురేష్ ఫ్యాన్స్ భావిస్తుండగా ఈ సినిమా వాయిదా పడటంతో ఫ్యాన్స్ నిరాశ చెందుతున్నారు.

నవంబర్ 26వ తేదీన రిలీజ్ కావాల్సిన ఈ సినిమా డేట్ ఆ తర్వాత డిసెంబర్ 10వ తేదీకి మారింది.తాజాగా ఈ సినిమా మేకర్స్ డిసెంబర్ 31వ తేదీకి ఈ సినిమాను వాయిదా వేస్తున్నట్టు ప్రకటించారు.

తెలుగు రాష్ట్రాల్లో బాక్సాఫీస్ వద్ద అఖండ ప్రభంజనం కొనసాగుతోంది.మరోవైపు నాగశౌర్య నటించిన లక్ష్య  సినిమా సైతం డిసెంబర్ 10వ తేదీన రిలీజ్ అవుతున్న నేపథ్యంలో  గుడ్ లక్ సఖి మూవీ పోటీ నుంచి తప్పుకుంది.

కొన్ని రోజుల క్రితం గుడ్ లక్ సఖి ఓటీటీలో రిలీజ్ కానుందని వార్తలు రాగా ఆ వార్తలు నిజం కాలేదు.