చనిపోయిన అన్న మృతదేహానికి రాఖీ కట్టిన చెల్లెలు.. గుండెలవిసేలా రోదిస్తూ?

రెండు తెలుగు రాష్ట్రాల్లో ఈరోజు, రేపు రాఖీ పండుగను చాలామంది ఎంతో సంతోషంగా జరుపుకుంటున్నారు.అక్కాచెల్లెళ్లు తమ సోదరులకు రాఖీ కట్టి సోదరులపై ప్రేమను చాటుకుంటున్నారు.

రాఖీ పండుగను కొంతమంది ఈరోజు జరుపుకుంటుండగా మరి కొందరు రేపు జరుపుకుంటున్నారు.సోదరులకు రాఖీ కట్టాలని తెలుగు రాష్ట్రాల్లోని చాలామంది అక్కాచెల్లెళ్లు తమ సొంతూళ్లకు చేరుకుంటున్నారు.

అయితే రాఖీ పండుగ ( Rakhi festival )రోజున పెద్దపల్లి జిల్లా ఎలిగేడు మండలంలో చోటు చేసుకున్న విషాదం సోషల్ మీడియాలో వైరల్ అవుతోంది.ఎలిగేడు మండలంలోని ధూళికట్టకు చెందిన చౌదరి కనకయ్య ఈరోజు గుండెపోటుతో మృతి చెందారు.

అన్నకు రాఖీ కట్టాలని వచ్చిన చెల్లెలు గౌరమ్మ ( Gouramma )అన్న మరణ వార్త విని గుండెలవిసేలా రోదించారు.సంతోషంగా రాఖీ పండుగను జరుపుకోవాలని భావించిన గౌరమ్మ అన్న మరణ వార్త విని పుట్టెడు దుఃఖంలో మునిగిపోయారు.

తన సోదరుడు విగతజీవిగా మారడాన్ని చూసి ఆమె తట్టుకోలేకపోయారు.చౌదరి కనకయ్య( Chaudhary Kanakaiah ) మృతితో గ్రామంలో విషాద ఛాయలు అలుముకున్నాయి.

ఈ ఘటన గ్రామంలోని ఎంతోమందిని కన్నీళ్లు పెట్టింది.