Rakesh Master Wife: రాకేష్ మాస్టర్ మూడో భార్యపై దాడి చేసిన ఐదుగురు మహిళలు.. ఆ తప్పు చేయడంతో?

టాలీవుడ్ ప్రముఖ కొరియోగ్రాఫర్ రాకేష్ మాస్టర్( Rakesh Master ) ఇటీవల తుదిశ్వాస విడిచిన విషయం తెలిసిందే.ఆయన ఆకస్మిక మరణాన్ని అభిమానులు ఇప్పటికీ జీర్ణించుకోలేకపోతున్నారు.

ఇది ఇలా ఉంటే తాజాగా యూట్యూబ్ స్టార్ రాకేష్ మాస్టర్ మూడో భార్యగా చెప్పుకునే లక్ష్మీ పై( Lakshmi ) దాడి జరిగింది.హైదరాబాదులోని పంజాగుట్ట ఏరియాలో లక్ష్మీపై శుక్రవారం ఐదుగురు మహిళలు దాడి చేశారు.

లల్లీ ( Lally ) అనే యూట్యూబర్ ఆధ్వర్యంలో ఈ దాడి జరిగింది.స్నేహితుడుతో కలిసి స్కూటర్‌పై వెళ్తున్న లక్ష్మిని అడ్డగించిన లల్లీ, మరో నలుగు మహిళలు ఆమెపై దాడి చేశారు.

ఇష్టమొచ్చినట్టు కొట్టారు.జుట్టు పట్టుకుని దొర్లించి మరీ చితక్కొట్టారు.

స్థానికులు డయల్ 100కి ఫోన్ చేసి సమాచారం ఇవ్వడంతో సంఘటనా స్థలానికి చేరుకున్న పోలీసులు ఆ మహిళలందరినీ పోలీస్ స్టేషన్‌కు రావాలని ఆదేశించారు.అయితే, ముందుగా పంజాగుట్ట పోలీస్ స్టేషన్‌కు( Panjagutta Police Station ) చేరుకున్న లక్ష్మి తనపై దాడి చేసిన మహిళలపై కేసు పెట్టారు.

లిఖితపూర్వక ఫిర్యాదు చేశారు.ఆ తరవాత కాసేపటికి లల్లీ, ఇతర నలుగురు మహిళలు కూడా పోలీస్ స్టేషన్‌కు చేరుకున్నారు.

వారు కూడా తమ వాదనను పోలీసులకు వినిపించారు.దీంతో లల్లీని కూడా లిఖితపూర్వక ఫిర్యాదు ఇవ్వాల్సిందిగా పోలీసులు సూచించారు.