అమెరికా అధ్యక్ష పదవి రేసులో తీవ్ర పోటీనిస్తున్న రిపబ్లికన్ పార్టీ నేత డొనాల్డ్ ట్రంప్ మరోసారి వివాదాస్పద వ్యాఖ్యలు చేశారు.అబార్షన్లు చేయించుకునే మహిళలకు శిక్ష విధించాలన్నారు.
అబార్షన్_లు పరిపాటిగా మారుతున్నాయని, వాటిని నియంత్రించాలంటే ఆ మహిళలకు ఎంతో కొంత శిక్ష పడాలని చెప్పారు.అయితే ఆయన ఏ శిక్ష వేయాలనే విషయంపై మాత్రం ఎలాంటి స్పష్టమైన ప్రకటన చేయలేదు.
విస్కాన్సిన్లో ఏర్పాటు చేసిన సమావేశంలో క్రిస్ మాథ్యూతో చర్చ సందర్భంగా ట్రంప్ ఈ వ్యాఖ్యలు చేశారు.గర్భస్రావాలను నిషేధించాలని పేర్కొన్నారు.
అబార్షన్లను మీరు పూర్తిగా రద్దు చేయాలని అనుకుంటున్నారా అని అడిగిన ప్రశ్నకు ఆయన ఇలా స్పందించారు.ఆయన ఇలా వ్యాఖ్యలు చేసిన కొద్ది గంటల్లోనే డెమొక్రటిక్ పార్టీ అధ్యక్ష అభ్యర్థి హిల్లరీ క్లింటన్ ఆగ్రహం వ్యక్తం చేశారు.
ట్రంప్ చేసిన వ్యాఖ్యలు ప్రతి ఒక్కరూ గమనించాలని, వాటిని తలుచుకుంటేనే భయంకరంగా, చెత్తగా ఉన్నాయంటూ మండిపడ్డారు.
.
