ఫ్రాన్స్‌లో ఈఫిల్ టవర్ వద్ద యూపీఐ సేవలు లాంచ్.. ప్రకటించిన ప్రధాని మోదీ

భారత ప్రధాని నరేంద్ర మోదీ ఇటీవల పారిస్‌లో ప్రవాస భారతీయులను ఉద్దేశించి ఒక అదిరిపోయే ప్రకటన చేశారు.

ఈఫిల్ టవర్‌( Eiffel Tower )ను సందర్శించే భారతీయ పర్యాటకులు త్వరలో దాని విజిటింగ్ ఫీజును యూనిఫైడ్ పేమెంట్స్ ఇంటర్‌ఫేస్ (యూపీఐ)ని ఉపయోగించి భారత రూపాయల్లో పేమెంట్స్ చేసుకోవచ్చని ఆయన పేర్కొన్నారు.

భారతదేశ డిజిటల్ పేమెంట్ సిస్టమ్‌ యూపీఐని ప్రధాని మోదీ ప్రశంసించారు.భారత ప్రవాసులు నగదు తమతో పాటు తెచ్చుకోకుండా భారతదేశాన్ని సందర్శించాలని, యూపీఐ పేమెంట్స్ జరుపుకోవాలని ప్రోత్సహించారు.

భారతీయ బ్యాంకింగ్( Indian Banking) సేవలు 24/7 అందుబాటులో ఉన్నాయని, అందుబాటులో ఉన్నందున వారు కేవలం మొబైల్ ఫోన్‌తో దేశంలో సులభంగా అన్ని పేమెంట్స్ క్యాష్‌లెస్‌గా చేసుకోవచ్చని ఆయన వారికి హామీ ఇచ్చారు.దేశంపై UPI మరియు ఇతర డిజిటల్ ప్లాట్‌ఫామ్‌ల యొక్క సానుకూల ప్రభావాన్ని ప్రధాని మోదీ నొక్కిచెప్పారు, అవి గణనీయమైన సామాజిక పరివర్తనను తీసుకువచ్చాయని పేర్కొన్నారు.