విశాఖ పాయకరావుపేట పోలీస్ స్టేషన్ లో పనిచేస్తున్న స్వీపర్ కూతురి వివాహం కుదురగా , తన పేదరికం కోసం పోలీసుల కు లక్ష్మీ తెలియజేయగా, తక్షణమే స్పందించిన పోలీసులు తమ వంతు సహాయం చేశారు.ఇది చూచిన పాయకరావుపేట లోని పెద్దలు, నాయకులు స్వచ్ఛందంగా ముందుకు వచ్చి లక్ష్మి కి ఇతోధిక సహాయం చేశారు పాయకరావుపేట పోలీస్ స్టేషన్లో గత పది సంవత్సరాలుగా స్వీపర్ గా పనిచేస్తున్న లక్ష్మీ కుటుంబానికి పలు పార్టీల నాయకులు, పోలీసులు ఆసరాగా నిలిచారు.
స్వీపర్ లక్ష్మి కుమార్తె వివాహం సందర్భంగా సుమారు లక్షన్నర విలువైన గృహోపకరణాలను సారెగా అందజేశారు.పాయకరావుపేట పోలీసు సిబ్బంది వారి సొంత నిధులతో బంగారు చెవిదిద్దులు, వెండిపట్టీలు స్వీపర్ లక్ష్మి కుమార్తెకు బహుమతి గా అందజేశారు.
ఈ కార్యక్రమంలో నక్కపల్లి సర్కిల్ ఇన్స్పెక్టర్ నారాయణరావు, పాయకరావుపేట ఎస్సైలు పి.ప్రసాదరావు, మహిళా ఎస్సై శిరీష, ఏఎస్ఐ గోవిందరావు, నాయకులు దగ్గుపల్లి సాయిబాబా, వంకా వెంకటరమణ, గెడ్డం చైతన్య, అశోక చక్రవర్తి , నరేష్ తదితరులు పాల్గొన్నారు.
