అప్పుడు నేను ఆత్మహత్య చేసుకోవాలని భావించా.. పవన్ సంచలన వ్యాఖ్యలు వైరల్!

పవర్ స్టార్ పవన్ కళ్యాణ్ కు కోట్ల సంఖ్యలో అభిమానులు ఉండగా ఆ అభిమానులలో చాలామంది పవన్ రాజకీయాల్లో కూడా సక్సెస్ కావాలని కోరుకుంటున్నారు.

ఎప్పటికైనా తమ ఫేవరెట్ యాక్టర్ సీఎం కావాలని అభిమానులు భావిస్తున్నారు.

పవన్ సైతం ఒకవైపు సినిమాలతో బిజీగా ఉన్నా మరోవైపు రాజకీయాలకు ప్రాధాన్యత ఇస్తున్నారు.ప్రస్తుతం పవన్ కళ్యాణ్ ఆత్మహత్య చేసుకున్న కౌలురైతు కుటుంబాలను ఆదుకునే దిశగా అడుగులు వేస్తున్నారు.

పవన్ తాజాగా అనంతపురంలో మాట్లాడుతూ నేను అద్భుతాలు చేస్తానని చెప్పనని పవన్ అన్నారు.ఆత్మహత్య చేసుకోవాలని ఏ పరిస్థితుల్లో ఆలోచిస్తారో తనకు తెలుసని పవన్ కామెంట్లు చేశారు.

ఒకప్పుడు నేను ఇంటర్ చదివే సమయంలో సరిగ్గా చదువుకోవట్లేదు అని బాధతో ఆత్మహత్య చేసుకుంటే మంచిదని ఆలోచించానని పవన్ కళ్యాణ్ చెప్పుకొచ్చారు.కానీ అదృష్టం కొద్దీ నా సోదరుడు నాగబాబు, వదిన పక్కన ఉండి మంచి మాటలు చెప్పి నన్ను కాపాడారని పవన్ కళ్యాణ్ తెలిపారు.

తాను మానవత్వంతో సహాయం చేస్తున్నానే తప్ప ఓట్ల గురించి ఆలోచించడం లేదని పవన్ కళ్యాణ్ చెప్పుకొచ్చారు.