నేడు జనసేన లో కీలక పరిణామం .. ప్రతిపక్ష నేతగా పవన్ ? 

175 నియోజకవర్గాల్లో జరిగిన ఎన్నికల్లో వైసిపి ( YCP )కేవలం 11 స్థానాలకు మాత్రమే పరిమితం అయింది.దీంతో ప్రతిపక్ష హోదా కూడా కోల్పోయింది.ఈ నేపథ్యంలోనే జనసేన అధినేత పవన్ కళ్యాణ్ టిడిపికి మిత్రపక్షంగా ఉంటూనే ప్రతిపక్షపాత్ర కూడా పోషించే అవకాశాలు కనిపిస్తున్నాయి.ఒక ముఖ్యమంత్రిగా పవన్ కళ్యాణ్ కు చంద్రబాబు బాధ్యతలు అప్పగిస్తారని ప్రచారం జరుగుతుంది.

అయితే పవన్ పూర్తి చేయాల్సిన సినిమాలు చాలానే పెండింగ్ లో ఉండడంతో , ఉపముఖ్యమంత్రి అయినా తీసుకుంటారా లేదా అనే విషయంలో ఇంకా క్లారిటీ రావాల్సి ఉంది.తెనాలి జనసేన ఎమ్మెల్యే నాదెండ్ల మనోహర్( Janasena MLA Nadendla Manohar ) కు మంత్రి పదవి దక్కడం ఖాయంగా కనిపిస్తోంది.

మొత్తంగా జనసేనకు రెండు మంత్రి పదవులు , బిజెపికి ఒక మంత్రి పదవి ఇచ్చే అవకాశం ఉన్నట్లు టిడిపి వర్గాలు పేర్కొంటున్నాయి.అయితే ఈ విషయంలో క్లారిటీ రావాల్సి ఉంది .

రేపు ఏపీ సీఎం గా చంద్రబాబు( Chandrababu ) ప్రమాణ స్వీకారం చేసిన తరువాత ఎవరెవరికి మంత్రి పదవులు దక్కుతాయి అనేది క్లారిటీ రానుంది.2019 ఎన్నికల్లో జనసేన ఒకే ఒక్క స్థానంలో విజయం సాధించింది.దీంతో ఆ పార్టీ పని పూర్తిగా అయిపోయిందని అంతా భావించినా పవన్ మాత్రం వ్యూహాత్మకంగా అడుగులు వేస్తూ, వైసీపీని మళ్లీ అధికారంలోకి రాకుండా చేయడమే తన లక్ష్యమని పదేపదే చెబుతూ టిడిపి తో కలిసి పొత్తు పెట్టుకుని ఎన్నికలకు వెళ్లి అనుకున్న విధంగానే వైసిపిని ఓడించడంలో కీలక పాత్ర పోషించారు.అందుకే టిడిపి కూటమిలో జనసేనకు,  పవన్ కళ్యాణ్ కు ఊహించని స్థాయిలో ప్రాధాన్యం దక్కింది.