పాకిస్థాన్‌ పరిస్థితి దయనీయం... ప్రజల జేబులకు చిల్లులు పడడంతో పాక్ రూపాయి బెంబేలు!

గ్లోబల్ రేటింగ్ ఏజెన్సీలు కొన్ని పాకిస్థాన్ దివాళా తీసినట్లు హెచ్చరికలు జారీ చేయడం జరిగింది.అవును, పాక్ ప్రస్తుతం నగదు కొరతతో కొట్టుమిట్టాడుతోంది.దీనికి తోడు విపరీతంగా పెరుగుతున్న ద్రవ్యోల్బణం ప్రజలపై భారాన్ని మోపుతున్నాయి.ఉదాహరణకు అక్కడ కిలో చికెన్ ధర రూ.437, గుడ్లు డజను రూ.275, పిండి రూ.135, దుంపలు కిలో రూ.78, డీజిల్ లీటరు రూ.289, పాలు లీటరు రూ.168, పెట్రోల్ లీటరు రూ.283గా కొనసాగుతున్నాయి.ధరలు విపరీతంగా పెరుగుతున్న తరుణంలో పాక్ లో ద్రవ్యోల్బణం ప్రతి నెల కొత్త గరిష్ఠాలకు చేరుకుంటోందని విశ్వసనీయ వర్గాల సమాచారం.ఏప్రిల్ నెలలో ఇది గరిష్ఠంగా 36.4 శాతానికి చేరుకుంది.ఇది ఆర్థికంగా దివాలా తీసిన శ్రీలంకలో ఉన్న ద్రవ్యోల్బణం రేటు కంటే ఎక్కువ కావటం ఇపుడు సర్వత్రా ఆందోళనలకు గురి చేస్తోంది.