కుటుంబానికి ఒకే టికెట్ అంటే.. మ‌రి బాబు కుటుంబం మాటేమిటీ..?

ఏపీ టీడీపీలో అధినేత చంద్ర‌బాబు పార్టీ బ‌లోపేతానికి బాగానే మార్పులు చేస్తున్నారు.ఈసారి న‌ల‌భై శాతం టికెట్లు యువ‌త‌కే ఇస్తామ‌ని కూడా చెప్పారు.

ఇక అప్పుడే ఎన్నిక‌లు అన్న‌ట్లు అంద‌రినీ స‌మాయ‌త్తం చేస్తున్నారు.జిల్లాల్లో ప‌ర్య‌ట‌న‌లు చేస్తున్నారు.

ఇక చిన‌బాబు లోకేష్ కూడా త్వ‌ర‌లోనే పాదయాత్ర చేప‌ట్ట‌నున్నారు.అయితే రీసెంట్ గా బాబు చ‌ర్చిస్తున్న అంశం ఒక కుటుంబానికి ఒకే టికెట్.

పార్టీలో సీనియ‌ర్లు.వార‌స‌త్వ రాజ‌కీయాలు లెక్క‌కు మించి ఉండ‌టంతో పార్టీని గాడీలో పెట్టే దిశ‌గా చ‌ర్య‌లు తీసుకుంటున్నారు.

అయితే బాబు అనుకుంటున్న ఒక కుటుంబానికి ఒకే టికెట్.త‌మ‌కు కూడా వ‌ర్తిస్తుందా.? లేదా పార్టీ నేత‌ల‌కేనా.? అన్న ప్ర‌శ్న వినిపిస్తోంది.నిజానికి నాయ‌కుడు అన్న‌వారు పాటించి ఇత‌రుల‌ను పాటించ‌మంటే బాగుంటుంది.

కానీ అలా కాదు మాకో రూల్.మీకో రూల్ అంటే బెడిసికొట్టే అవ‌కాశాలు ఉన్నాయి.

వ‌ర్కౌట్ చేస్తారా.?

ఇక ఇంత‌టితో ఆగ‌కుండా గొడవలు.వివాదాలు పుట్టుకొస్తాయి.

దీంతో ప‌క్క చూపులు చూసే అవ‌కాశాలు కూడా ఉంటాయి.అయితే టీడీపీ అధినేత పార్టీని గాడిన పెట్టడానికి చాలానే చేస్తూ వస్తున్నారు.

గతంలో కూడా ఆయన అలాగే చేశారు.గతంలో చేయాలని చూసి ప్రయత్నించి విఫలం అయిన ఫార్ములాలను మళ్లీ ఇప్పుడు అమ‌లు చేయాల‌నుకుంటున్నార‌ట.

అదే ఒక కుటుంబానికి ఒకే టికెట్. అయితే ఇలా ప్రతీ ఎన్నిక ముందూ చెబుతూ వస్తున్నదే.

అలాగే బయట వారికి టికెట్లు ఇవ్వమని ఇతర పార్టీల నుంచి జంప్ చేసి వ‌చ్చిన వారికి నో టికెట్ అని కూడా బాబు అంటూ ఉంటారు.కానీ ఆపరేషన్ ఆకర్ష్ మాత్రం ఆగ‌కుండా దూసుకెళ్తుంది.

మరో వైపు పనిచేసే వారికే టికెట్లు అంటారు.కానీ ఎన్నికల వేళకు ఫ్లైట్లు వేసుకుని దిగి వచ్చే వారికి అంగబలం అర్ధ బలం ఉన్న వారికే అవి దక్కుతాయ‌నేది కూడా తెలిసిందే.