వన్ నేషన్ వన్ పార్టీ అనేది బీజేపీ రహస్య ఎజెండా అని తెలంగాణ పీసీసీ చీఫ్ రేవంత్ రెడ్డి అన్నారు.హైదరాబాద్ లో జరిగిన యూత్ కాంగ్రెస్ జాతీయ కార్యవర్గ సమావేశంలో ఆయన పాల్గొన్నారు.
ఈ సందర్భంగా రేవంత్ రెడ్డి మాట్లాడుతూ పోరాడే వారికి భవిష్యత్ ఉంటుందని రేవంత్ రెడ్డి తెలిపారు.రాజకీయ భవిష్యత్ కు యూత్ కాంగ్రెస్ ఒక మంచి వేదికని చెప్పారు.
డబుల్ ఇంజన్ అంటే అదానీ, ప్రధాని అని అన్నారు.దేశాన్ని దోచుకోవడమే ఈ డబుల్ ఇంజన్ పని అని ఆరోపించారు.
త్వరలో తెలంగాణలో ఎన్నికలు రానున్నాయన్న ఆయన సెప్టెంబర్ 17న కాంగ్రెస్ ఎన్నికల మేనిఫెస్టోను విడుదల చేసే అవకాశం ఉందని వెల్లడించారు.అక్టోబర్ 2 నుంచి ఎన్నికల ప్రచారం ప్రారంభిస్తున్నామన్నారు.
తెలంగాణలో కాంగ్రెస్ ను గెలిపించి సోనియాకు కానుకగా ఇవ్వాలని పేర్కొన్నారు.ఎన్నికల్లో గెలుపు కోసం ప్రతి ఒక్కరూ కృషి చేయాలని పిలుపునిచ్చారు.
