అరుదైన శివుని విగ్రహాన్ని చోరీ చేసిన భారత సంతతి స్మగ్లర్ .. కంబోడియాకు తిరిగి పంపిన అమెరికా

30 దొంగిలించబడిన పురాతన వస్తువులు, కళాఖండాలను కంబోడియా, ఇండోనేషియా దేశాలకు న్యూయార్క్ అధికారులు విజయవంతంగా పంపించారు.

వీటి విలువ దాదాపు 3 మిలియన్ డాలర్లపైనే వుంటుందని అంచనా.

ఈ పురాతన కళాఖండాలు.అమెరికన్ డీలర్లు, ట్రాఫికర్ల ద్వారా చేతులు మారాయని అధికారులు తెలిపారు.

మాన్‌హట్టన్ డిస్ట్రిక్ట్ అటార్నీ ఆల్విన్ బ్రాగ్ (Manhattan District Attorney Alvin Bragg)ఈ సాంస్కృతిక సంపదను తిరిగి ఇస్తున్నట్లుగా ప్రకటించారు.తాము ఆగ్నేయాసియా పురాతన వస్తువులను లక్ష్యంగా చేసుకునే విస్తృత శ్రేణి ట్రాఫికింగ్ నెట్‌వర్క్‌ను పరిశోధించడం కొనసాగిస్తున్నామని ఆయన తెలిపారు.

ఇప్పటికే ఈ దిశగా గణనీయమైన పురోగతిని సాధించామని.అనేక ప్రముఖ నెట్‌వర్క్‌లను విచ్ఛిన్నం చేశామని బ్రాగ్ చెప్పారు.

దీనిపై ఇంకా స్పష్టంగా పనిచేయాల్సి వుందని ఆయన అంగీకరించారు.