చిరు మూవీకి నయన్‌ డిమాండ్‌

మెగాస్టార్‌ చిరంజీవి 150వ సినిమాకు రంగం సిద్దం అవుతోంది.తమిళంలో సూపర్‌ హిట్‌ అయిన ‘కత్తి’నే చిరంజీవి రీమేక్‌ చేయబోతున్నాడు.

ఈ నేపథ్యంలో హీరోయిన్‌ను కొత్త వారిని ఎలా ఊహిస్తాం.అంతా ఊహించినట్లుగానే చిరంజీవి పాత హీరోయిన్‌తోనే రొమాన్స్‌ చేయబోతున్నట్లుగా తెలుస్తోంది.

వినాయక్‌ తాజాగా ఈ చిత్రం కోసం నయనతారను ఎంపిక చేసినట్లుగా తెలుస్తోంది.భారీ స్థాయిలో అంచనాలున్న ఈ చిత్రంలో నటించేందుకు గాను నయనతార భారీ మొత్తంలో పారితోషికంగా అందుకోబోతుంది.

ఈ చిత్రంలో నటించబోతున్నందుకు గాను చిరంజీవి 27 కోట్లు తీసుకుంటున్నట్లుగా వార్తలు వస్తున్నాయి.అలాగే నయన్‌ కూడా ఈ చిత్రం కోసం 2.3 కోట్లు తీసుకోనున్నట్లుగా తెలుస్తోంది.తమిళంలో ఈమె ప్రస్తుతం క్రేజీ హీరోయిన్‌గా దూసుకు పోతుంది.

దాంతో ఈ అమ్మడిని చిరంజీవి సరసన నటింపజేసేందుకు భారీ స్థాయిలో పారితోషికం ఇవ్వాల్సి వస్తుందని చిత్ర యూనిట్‌ సభ్యులు చెబుతున్నారు.ఈ చిత్రాన్ని రామ్‌ చరణ్‌ మరియు లైకా ప్రొడక్షన్స్‌ వారు సంయుక్తంగా నిర్మిస్తున్న విషయం తెల్సిందే.

వచ్చే నెలలో ఈ చిత్రం షూటింగ్‌ ప్రారంభం అవుతోంది.ఈ చిత్రంతో పాటు నయనతార మరో చిత్రాన్ని వెంకటేష్‌కు జోడీగా నటిస్తోంది.

గత కొంత కాలంగా తెలుగు సినిమాలకు దూరంగా ఉంటున్న నయన్‌ ఒకే సారి రెండు చిత్రాలతో మళ్లీ తెలుగులో బిజీ అవ్వబోతుంది.