చిన్నపిల్లలకు బొమ్మలతో ఆడుకోవడం, జంతువులతో కలిసి ఆడుకోవడం సరదా.ఆ వయసులో వారికి జంతువుల గురించి అంతగా తెలియదు.
అందుకే టీవీ లో ఏదైనా వింత జంతువు కనపడినా దాన్ని అలానే చూస్తుంటారు.ముఖ్యంగా వారు పెంపుడు కుక్కలతో ఆదుకోవడం మనం చూస్తుంటాం.
ఇంట్లో ఒక జంతువు ఉండటం మనకు మరపురాని క్షణాలు ఇస్తుందనడంలో సందేహం లేదు.ముఖ్యంగా పిల్లలు మరియు జంతువుల గురించి మాట్లాడేటప్పుడు, వారి మధ్య చాలా ప్రత్యేకమైన బంధం ఏర్పడుతుంది.
అయితే.పిల్లలకు క్రూర జంతువుల నుండి ప్రాణహాని ఉంటుందని తెలియక, వాటితో ఆడుకోవాలని చూస్తారు.ఇలాంటి సంఘటనే ఒకటి యూఎస్లో చోటుచేసుకుంది.ఓ చిన్నారి ఎలుగుబంటి కనిపించగానే దాన్ని వాటేసుకునేందుకు పరుగెత్తింది.ఇది గమనించిన తల్లి. పరిగెత్తుకు వెళ్లి తన ప్రాణాలకు తెగించి ఆ చిన్నారిని కాపాడింది.హీరో మామ్గా ప్రశంసలు అందుకుంటున్నది.ఈ వీడియో నెట్టింట వైరల్ అవుతోంది.
ఈ వీడియోని గమనిస్తే.వాషింగ్టన్లోని ఓ ఇంటి వెనుక గోడ పై నుంచి ఎలుగుబంటి ఇంటి దగ్గరకు వచ్చింది.దాన్ని చూసిన చిన్నారి, ఎలుగుబంటి వద్దకు పరుగెత్తింది.గమనించిన తల్లి సాహసం చేసి, చిన్నారిని రక్షించింది.
డోర్లోపలికి పరిగెత్తుకుంటూ వచ్చి, డోర్ లాక్ చేసేసింది.ఇదిలా ఉండగా, తన కూతురు ఇటీవలే యానిమల్ బుక్ చదివిందని, తన ఫేవరెట్ యానిమల్ ఎలుగుబంటి అని చెప్పిందని ఆ తల్లి పేర్కొంది.క్రూర జంతువుల గురించి తన కూతురికి వివరిస్తానని చెప్పింది.కాగా, ఈ వీడియో టిక్టాక్లో అప్లోడ్ చేయగా, 3.2 మిలియన్ల మంది వీక్షించారు.ఈ వీడియోపై నెటిజన్లు తమదైన శ్రేణిలో కామెంట్స్ చేస్తున్నారు.
ఈ వీడియో అక్కడి సెక్యురిటీ కెమెరాలో రికార్డయ్యింది.
