మనం ఈ రోజు వరకు కీ బోర్డు లేని స్మార్ట్ ఫోన్స్ మాత్రమే చూసాం కానీ త్వరలో కీ బోర్డులేని ల్యాప్‌టాప్‌ రానున్నాయి.పాత ల్యాప్‌టాప్‌ ల స్థానంలో ఇప్పుడు హైబ్రిడ్‌ ల్యాప్‌టాప్స్‌, డాక్‌ఇన్‌ లాప్‌టాప్స్‌ హల్‌చల్‌ చేస్తున్నాయి.
ఐతే లెనోవా సంస్థ మరో కొత్త రకం ల్యాప్‌టాప్‌ను ఆవిష్కరించింది.బెర్లిన్‌లో జరుగుతున్న ‘ఐఎఫ్‌ఏ 2016’లో తన తాజా పాకెట్‌ సైజ్‌ యోగా లాప్‌టాప్‌ను విడుదల చేసింది.
ఈ ల్యాప్‌టాప్‌కు 10.1 అంగుళాల ఫుల్‌ హెచ్‌డీ స్క్రీన్‌ ఉంది.కేవలం 4.55 మి.మీ మందంతో 690 గ్రాముల బరువు ఉంది.దీనిలో కీబోర్డు బదులు హాలో కీబోర్డును ఉపయోగించారు.
దీంతో కీబోర్డు బటన్స్‌ పైకి కనిపించవు.అవసరమైప్పుడు మాత్రమే కీబోర్డులా వాడుకోవచ్చు.ఓ నల్లని బోర్డులా ఉండే దీనిపై స్టైలస్‌ పెన్‌ ద్వారా లెనోవా యాప్స్‌ సహాయంతో బొమ్మలు గీయడం, నోట్స్‌ రాసుకోవడం వంటివి చేయొచ్చు.360 డిగ్రీల్లో ఈ ల్యాప్‌టాప్‌ను ఎలాకావాలంటే అలా మడుచుకునే వీలుంది.ట్యాబ్‌, ల్యాప్‌టాప్‌, నోట్‌బుక్‌ ఇలా కావాల్సిన విధంగా ఉపయోగించుకునే వెసులుబాటు ఉంది.
