ఈ అమ్మ ప్రేమకు సలాం అనాల్సిందే.. 82 సంవత్సరాల వయస్సులో కదల్లేని ఇద్దరు కొడుకులకు సపర్యలు చేస్తూ?

కొడుకును తల్లి ప్రేమించిన విధంగా మరెవరూ ప్రేమించరనే సంగతి తెలిసిందే.కొడుకుకు ఎలాంటి కష్టం వచ్చినా తల్లి అస్సలు తట్టుకోలేదు.

82 సంవత్సరాల వయస్సులో ఒక తల్లి పిల్లల కోసం పడుతున్న కష్టం సోషల్ మీడియాలో వైరల్ అవుతోంది.ఖమ్మం జిల్లా( Khammam District ) ముదిగొండ మండలం పెద్దమండవ గ్రామానికి చెందిన చాపలమడుగు దానమ్మ( Chapalamadugu Danamma ) కదలలేని స్థితిలో ఉన్న ఇద్దరు కొడుకులు భూషి, దశరథలకు ఏకైక దిక్కుగా మారారు.

పెద్ద కొడుకు పుట్టినప్పటి నుంచి పిల్లలకు సపర్యలు చేస్తూ దానమ్మ తల్లి మనస్సును చాటుకుంటున్నారు.దానమ్మ ఇద్దరు కొడుకులు పుట్టుకతోనే దివ్యాంగులు( Divyang ) కాగా మూడో, నాలుగో సంతానం ఆడపిల్లలు పుట్టారు.

వాళ్లు ఆరోగ్యంగానే ఉండగా ఐదో సంతానంలో పుట్టిన కొడుకు కూడా దివ్యాంగుడు కావడం గమనార్హం.దానమ్మ, భర్త వెంకయ్య( Venkayya ) కూలి పనులకు వెళ్తూ పిల్లలకు ఎలాంటి కష్టం రాకుండా చూసుకున్నారు.