జబర్దస్త్ షో ద్వారా ఎంతోమంది కమెడియన్లు బుల్లితెరపై ప్రత్యేక గుర్తింపును సంపాదించుకున్న సంగతి తెలిసిందే.అయితే వేర్వేరు కారణాల వల్ల ఆ కమెడియన్లు ప్రస్తుతం ఇతర టీవీ షోలతో బిజీ అవుతున్నారు.
నాగబాబు జబర్దస్త్ షోకు దూరమైన తర్వాత నాగబాబుపై ఉన్న అభిమానంతో పాటు ఇతర టీవీ షోల నుంచి జబర్దస్త్ ను మించి రెమ్యునరేషన్ ఆఫర్లు వస్తుండటంతో చాలామంది కమెడియన్లు ఇప్పటికే ఈ షోకు దూరమయ్యారు.
స్టార్ మా ఛానల్ లో కొన్నిరోజుల క్రితం వరకు కామెడీ స్టార్స్ ప్రోగ్రామ్ ప్రసారం కాగా ఆ ప్రోగ్రామ్ కు బదులుగా ప్రస్తుతం మా సూపర్ సండేస్ పేరుతో ప్రోగ్రామ్ ప్రసారం కానుంది.
తాజాగా రిలీజైన ప్రోమోలో అప్పారావు పార్టీ అంటే ఏ గోవాకో బ్యాంకాక్ కో వెళ్లాలని చెప్పగా ధనరాజ్ మనం బ్యాంకాక్ కు వెళ్లాలన్నా గోవాకు వెళ్లాలన్నా మనకో గైడ్ కావాలని చెబుతారు.ఆ తర్వాత ఈ షోలోకి సుడిగాలి సుధీర్ ఎంట్రీ ఇచ్చారు.
కేజీఎఫ్2 సినిమాలోని తుఫాన్ సాంగ్ తో సుధీర్ ఈ షోలోకి ఎంట్రీ ఇచ్చారు.
ధనరాజ్ సుధీర్ తో నీకొక ట్రావెల్ ఏజెన్సీ ఉందని చెప్పారని అడగగా సుధీర్ ట్రావెల్ ఏజెన్సీ ఉందని ఆ ఏజెన్సీ పేరు హూ.కానీ అని చెప్పారు.ఆ పేరు ఎందుకు పెట్టావని ధనరాజ్ అడగగా మన ట్రావెల్ ఏజెన్సీకి ఎండింగ్ ఉండదని అందుకే ఆ పేరు పెట్టానని తెలిపారు.
ఈ షోలో అనసూయ కూడా సాంగ్ కు స్టెప్పులు వేస్తూ ఎంట్రీ ఇచ్చారు.
సుధీర్ నాగబాబుకు వెల్కమ్ చెప్పగా ఎవరు ఎవరికి వెల్కమ్ చెబుతున్నారని నాగబాబు ప్రశ్నించారు.ఆ తర్వాత ఆర్పీ నాగబాబు పేరును తన హార్ట్ పై పచ్చబొట్టు వేయించుకోగా ఆ పచ్చబొట్టును సుధీర్ నాగబాబుకు చూపించారు.ఈ విషయం తెలిసి నాగబాబు సైతం షాకయ్యారు.
నాగబాబు ఆర్పీని పిలిచి ప్రేమగా హగ్ ఇచ్చారు.మనందరం నాగబాబు గారి నవ్వు నుంచి పుట్టిన వాళ్లమని ఆర్పీ కామెంట్లు చేశారు.