జనసేన కి ప్రజారాజ్యం పరిస్థితి ఎదురవుతుందా...!

ముఖ్యంగా నాకు కులం లేదని చాలా బహిరంగ సభలలో , రాజకీయ వేదికలపై ప్రకటించిన పవన్.ఎన్నికలు దగ్గర పడే కొలది తన సామాజిక వర్గానికి చెందిన వ్యక్తులకు టికెట్లు ఇవ్వడం తన రాజకీయ భవిష్యత్తుపై తీవ్రమైన ప్రభావాన్ని చూపిస్తోంది.తన ఆశయాలపై, తన ఇమేజ్ పై అంత నమ్మకం ఉన్నోడయితే ప్రతిచోటా కొత్తవారికి టికెట్లు ఇచ్చి గెలిపించుకోవాలి.

కానీ పవన్ అక్కున చేర్చుకునేది వైసీపీ , టీడీపీ అధినేతలు పట్టించుకోకుండా అసంతృప్తి గా ఉన్న వ్యక్తులనే అని ఇప్పుడిప్పుడే అర్థం అవుతోంది అంటున్నారు పరిశీలకులు.అయితే ఈ తంతు చూస్తూ ఉంటే గతంలో తన అన్నయ్య చిరంజీవి ప్రజారాజ్యం పెట్టిన కొత్తలో ఇలాంటి వైఖరినే అవలంభించాడు.

ప్రజారాజ్యం సమయంలో జరిగిన పొరపాట్లు మళ్ళీ జనసేనలో జరగకూడదు అంటూనే చిరంజీవికంటే కూడా తప్పటడుగులు వేస్తూ జనసేన ప్రజారాజ్యం ఒక్కటే అనే సంకేతాలు తెలియకుండానే ఇచ్చేస్తున్నాడు.ఏపీలో రాజకీయ పార్టీలకి ప్రత్యామ్నాయం అనే పవన్ కళ్యాణ్ గత ఎన్నికల్లో టీడీపీ కి ఎందుకు మద్దతు తెలిపాడు అంటూ కౌంటర్ వేస్తుంటే వాటికి సమాధానం చెప్పుకోలేని పరిస్థితి ఏర్పడింది.

ఇప్పుడు ఉన్న పరిస్థితినే గనుకా పవన్ కొనసాగిస్తే భవిష్యత్తులో తీవ్ర ఇబ్బందులు ఎదుర్కోక తప్పదు అంటున్నారు విశ్లేషకులు.