'భోళా శంకర్' క్లోసింగ్ వసూళ్లు 'బ్రో ది అవతార్' మొదటి రోజు వసూళ్ల కంటే తక్కువ ఉండబోతున్నాయా..?

మెగాస్టార్ చిరంజీవి హీరో గా నటించిన లేటెస్ట్ చిత్రం భోళా శంకర్( Bhola Shanka ) కి మొదటి ఆట నుండే డిజాస్టర్ టాక్ వచ్చిన సంగతి మన అందరికీ తెలిసిందే.

ఈ చిత్రం కెరీర్ లో ఒక్కటంటే ఒక్క సరైన హిట్ కూడా లేని మెహర్ రమేష్( Meher Ramesh ) దర్శకత్వం లో తెరకెక్కింది.

ఎప్పుడైతే ఈ ప్రాజెక్ట్ ని ప్రకటించారో, ఆరోజు నుండే మెగా ఫ్యాన్స్ లో నీరసం మొదలైంది.సినిమా ఫలితం ఏమిటో ముందే తెలిసిపోయింది.8 ఏళ్ళ క్రితం విడుదలైన తమిళ సినిమాకి రీమేక్ కావడం, దానికి తోడు మెహర్ లాంటి డైరెక్టర్ అవ్వడం తో ఈ చిత్రం పై అంచనాలు మొదటి నుండే లేవు.ఎందుకు మెగాస్టార్ చిరంజీవి వాల్తేరు వీరయ్య( Waltair Veerayya ) లాంటి బ్లాక్ బస్టర్ తర్వాత ఇలాంటి సినిమా చేస్తున్నాడు అని అభిమానులు బాధపడిన సందర్భాలు చాలానే ఉన్నాయి.

ఇక ఈ సినిమా విడుదల అయ్యాక కచ్చితంగా అవమానాలు భరించాల్సిందే అని ముందుగానే ప్రిపేర్ గా ఉన్నారు ఫ్యాన్స్.