సలార్ సినిమాలోని కాటేరమ్మ దేవత వెనుక కథ తెలిస్తే షాకవ్వాల్సిందే.. ఆ ఉగ్ర రూపమే దేవతగా వెలిశారా?

సలార్ సినిమా ( Salaar movie )బాక్సాఫీస్ వద్ద బ్లాక్ బస్టర్ హిట్ గా నిలిచిన సంగతి తెలిసిందే.ఈ సినిమాకు ఫుల్ రన్ లో 730 కోట్ల రూపాయల కలెక్షన్లు వచ్చాయి.

సలార్ రేంజ్ కు ఈ మొత్తం తక్కువే అయినా రిలీజ్ డేట్ మారడం, సరైన రేంజ్ లో ప్రమోషన్స్ లేకపోవడం ఈ సినిమా కలెక్షన్లపై ప్రభావం చూపినట్టు ఫ్యాన్స్ ఫీలవుతున్నారు.ఈ సినిమాలో కాటేరమ్మ దేవత( Goddess Kateramma ) గురించి ప్రస్తావన ఉంటుంది.

ఆ దేవత విగ్రహం కూడా హైలెట్ అయింది.

అయితే ఈ దేవత కథ గురించి తెలిసి నెటిజన్లు ఒకింత ఆశ్చర్యానికి గురవుతున్నారు.

తమిళనాడులో కాటేరీ అమ్మన్ గా పూజించబడే ఈ దేవత కర్ణాటకలో( Karnataka ) కాటేరమ్మగా పిలవబడతారు.పార్వతీదేవి( Goddess Parvati ) మరో రూపంగా ఈ అమ్మను కొలుస్తారు.

పురాణాల ద్వారా తెలుస్తున్న విషయాల ప్రకారం శివుడు కైలాసంలో నిద్రించే సమయంలో పార్వతీదేవి ఎక్కడికో వెళ్తూ సూర్యోదయానికి ముందు కైలాసానికి చేరుకునేది.

ఈ చర్య గురించి శివుడు పార్వతిని నిలదీయగా తన ప్రమేయం లేకుండానే ఈ విధంగా జరిగిందని పార్వతీదేవి చెబుతుంది.ఒకరోజు రాత్రి శివుడు పార్వతీదేవిని అనుసరించగా పార్వతీదేవి హఠాత్తుగా కాళిగా మారిపోయి శవాలను తవ్వి తీసి తినే ప్రయత్నం చేస్తుంటుంది.ఆ తర్వాత శివుని కోరిక మేరకు పార్వతీదేవి భయంకరమైన రూపాన్ని ఒక గొయ్యిలో వదిలేస్తుంది.

ఆ వదిలేసిన రూపమే కాటేరమ్మ కావడం గమనార్హం.

శివుడి శాపం వల్ల ఆమె అడవుల్లో తిరుగుతుందని కూడా మరో కథ ప్రచారంలో ఉంది.ఈ దేవతను భక్తులు బలి దేవతగా కొలుస్తారు.కొన్నిచోట బలి లేకుండా ప్రసాదాలతో ఈ దేవతను కొలుస్తారు.

సలార్ మూవీ రిలీజ్ తర్వాత కాటేరమ్మ గురించి నెట్టింట తెగ వైరల్ అవుతోంది.కాటేరమ్మ విగ్రహానికి సంబంధించిన ఫోటోలు నెటిజన్లను ఆకట్టుకుంటున్నాయి.