తల్లికి మెసేజ్ .. అంతలోనే కబళించిన మృత్యువు, అమెరికాలో భారతీయ టెక్కీ విషాదగాథ

సిద్ధాంత్( Siddhant Vitthal Patil ) మృతదేహాన్ని గాలించి, భారత్‌కు పంపేందుకు సహకరించాలని ఎన్సీపీ అధినేత శరద్ పవార్, డిప్యూటీ సీఎం దేవేంద్ర ఫడ్నవీస్ సహా పలువురు నేతలకు తాము లేఖలు రాసినట్లు ప్రీతేష్ తెలిపారు.పూణేకు చెందిన కేంద్ర మంత్రి మురళీధర్ మోహుల్ సెర్చ్ ఆపరేషన్‌కు సంబంధించిన అప్‌డేట్‌ల కోసం విదేశాంగ శాఖ మంత్రి ఎస్ జైశంకర్‌తో సంప్రదింపులు జరుపుతున్నారని ఆయన వెల్లడించారు.సిద్ధాంత్ పాటిల్ జూన్ 6న అవలాంచె లేక్ ట్రయిల్‌లో ఓ కొండగట్టుపైకి ట్రెక్కింగ్ చేస్తుండగా అదుపుతప్పి నీటిలోపడి ప్రవాహంలో కొట్టుకుపోయాడు.

సమాచారం అందుకున్న సహాయక బృందాలు హెలికాఫ్టర్ల సాయంతో గాలింపు చర్యలు చేపట్టాయి.అయినప్పటికీ పాటిల్ మృతదేహం లభ్యం కాలేదని వార్తలు వస్తున్నాయి.రాళ్లు, చెట్ల మధ్యలో అతని మృతదేహం చిక్కుకుపోయి ఉండొచ్చని రేంజర్లు అనుమానిస్తున్నారు.అయినప్పటికీ పాటిల్ డెడ్ బాడీ కోసం విస్తృతంగా గాలిస్తున్నారు.

ఇందుకోసం డ్రోన్లను సైతం రంగంలోకి దించారు.