డ్రగ్స్ దందాతో అక్రమ సంపాదన.. యూకేలో భారత సంతతి వ్యక్తి గుట్టురట్టు

మాదక ద్రవ్యాల వినియోగం, సరఫరాతో పాటు మనీలాండరింగ్( Money Laundering ) నేరాలకు పాల్పడిన భారత సంతతి వ్యక్తికి యూకే కోర్ట్( UK Court ) ఎనిమిదేళ్ల జైలు శిక్షవిధించింది.

ఈ మేరకు యూకే నేషనల్ క్రైమ్ ఏజెన్సీ (ఎన్‌సీఏ) తెలిపింది.

నిందితుడిని ఆగ్నేయ ఇంగ్లాండ్‌లోని సర్రేకు చెందిన రాజ్ సింగ్ (45)గా( Raj Singh ) గుర్తించారు.ఇతను వకాస్ ఇక్బాల్‌ (41)తో( Waqas Iqbal ) కలిసి ఏ క్లాస్ డ్రగ్స్, తుపాకీలను కొనుగోలు చేయడానికి, వాటిని విక్రయించడానికి కుట్ర పన్నినట్లు పోలీసుల దర్యాప్తులో తేలింది.

అంతేకాదు.ఇలా సంపాదించిన డబ్బును అక్రమ మార్గాల ద్వారా కెనడాకు పంపాలని కూడా ప్లాన్ చేసినట్లు పోలీసులు గుర్తించారు.

క్లాస్ ఏ (కొకైన్), క్లాస్ బీ (కెటామైన్)ను సరఫరా చేసేందుకు తాము కుట్ర చేసినట్లు , ఇదే సమయంలో మనీలాండరింగ్ నేరాలకు పాల్పడినట్లు గిల్డ్‌ఫోర్డ్ క్రౌన్ కోర్ట్ ముందు సింగ్ అంగీకరించాడు.దీనితో పాటు మరో ఘటనలో పోలీసులపై దాడి చేసినట్లు కూడా ఒప్పుకున్నాడు.

దీంతో న్యాయస్థానం రాజ్ సింగ్‌కు ఎనిమిదేళ్ల 10 నెలల జైలు శిక్ష, ఇక్బాల్‌కు 12 ఏళ్ల జైలు శిక్ష విధించింది.మహిళా పోలీస్ అధికారిపై భౌతిక దాడికి గాను రాజ్‌సింగ్‌కు మరో 12 నెలల జైలు శిక్ష కూడా విధించింది కోర్ట్.

ఒక పబ్‌లో జరిగిన ఘర్షణలో సింగ్ పాల్గొనగా.అతనిని అడ్డకోవడానికి మహిళా పోలీస్ ప్రయత్నించగా.

ఆమెను కాలుతో తన్నాడు.