తెలుగు సినిమా ఇండస్ట్రీలో ఎంతో పేరు ప్రఖ్యాతలు సంపాదించుకున్నటువంటి వారిలో డైరెక్టర్ తేజ (Teja) ఒకరు.ప్రస్తుతం ఈయన అహింస సినిమా ప్రమోషన్ కార్యక్రమాలలో ఎంతో బిజీగా ఉన్నారు.
ఈ సినిమా జూన్ రెండవ తేదీ విడుదల కానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్నటువంటి తేజ తన కుమార్తె కుమారుడు గురించి పలు విషయాలను వెల్లడించారు.
తన కుమారుడు త్వరలోనే ఇండస్ట్రీలోకి రాబోతున్నారని ఈయన తెలిపారు.
తన కుమారుడు చూడటానికి చాలా అందంగా ఉంటాడు హీరోగా కావాల్సిన శిక్షణ కూడా విదేశాలలో పూర్తిచేసుకుని వచ్చారని తేజ తెలియజేశారు.ఇక తన కుమార్తె (Teja Daughter) గురించి కూడా ఈయన ఈ సందర్భంగా మాట్లాడారు.తన కుమార్తె కూడా విదేశాలలో చదువు పూర్తి చేసుకుని ఇండియాకు తిరిగి వచ్చిందని తేజ తెలియజేశారు.
తన కూతురి వివాహం (Marriage) గురించి కూడా మాట్లాడుతూ తన కుమార్తెకు పెళ్లి చేయనని తెలిపారు.తన కూతురికి ఎవరైతే నచ్చుతారో ఏ వ్యక్తి అయితే తనకు సరైన వ్యక్తి అని భావిస్తుందో తనని రిజిస్టర్ మ్యారేజ్ (Register Marriage) చేసుకొని రమ్మని చెప్పానని ఈ సందర్భంగా ఈయన తెలియజేశారు.
తన కుమార్తె తనకు నచ్చిన వాడిని వివాహం చేసుకొని వస్తే నేను తర్వాత అందరిని పిలిచి భోజనాలు పెడతానని ఇదే విషయమే తన కుమార్తెకు కూడా చెప్పానని తెలిపారు.పెళ్లి తర్వాత తన భర్త తనకు నచ్చకపోతే నిర్మొహమాటంగా విడాకులు ఇవ్వమని కూడా తనకు చెప్పానని తేజ షాకింగ్ కామెంట్స్ చేశారు.మన సంతోషం కోసం మన బ్రతకాలి కానీ సమాజం ఏమనుకుంటుందో అని ఆలోచించడం అనవసరం అనే విషయాన్ని తన కుమార్తెకు తెలియజేశానని ఈ సందర్భంగా తేజ తెలిపారు.ఏది ఏమైనా కూతురి పెళ్లి విషయంలో ఇలా విభిన్నంగా ఆలోచించే తండ్రి మరి ఎవరు ఉండరని తేజ వ్యాఖ్యలను బట్టి చూస్తే అర్థమవుతుంది.
ఇలా కూతురు పెళ్లి గురించి తేజ చేసిన ఈ కామెంట్స్ ప్రస్తుతం వైరల్ అవుతున్నాయి.