వేసవి కాలంలో మామిడి పండ్లను తింటే.. వచ్చే మొటిమలను నివారించడానికి ఈ టిప్స్ మీకోసమే..!

మామిడి పండ్లను తిన్నప్పుడు రక్తంలో చక్కెర స్థాయిని పెంచుతుంది.మన శరీరంలో ఇన్సులిన్ స్పైక్లను కలిగిస్తాయి.ఎందుకంటే ఇది సెబమ్ స్రావాన్ని పెంచడం వలన మన శరీరంలోని నూనె గ్రంధులపై ప్రత్యక్ష ప్రభావం పడుతుంది.ఈ కారణంగానే మొటిమల సమస్య వస్తుంది.అయితే వీటిని నివారించడానికి ఈ చిట్కాలు పాటించాలి.మామిడిపండు తినే ముందు వాటిని రెండు నుంచి మూడు గంటల వరకు నానబెట్టాలి.

ఇలా నానబెట్టడం వలన అందులో ఫైటిక్ యాసిడ్ తొలగిపోతుంది.కొన్ని గంటల పాటు నీటిలో నానపెట్టినప్పుడు శరీరంలో వేడిని ఉత్పత్తి చేసే అదనపు ఫైటిక్ తొలగిపోతుంది.

అలాగే పోషకాలను బాగా గ్రహించేలా చేస్తుంది.

ఇలా నానబెట్టి తినడం వలన మొటిమలు, చర్మ సమస్యలు, తలనొప్పి, మలబద్ధకం ఇతర సమస్యలు నివారించడంలో ఉపయోగపడుతుంది.ఇక ఎప్పుడూ కూడా మామిడిని ఒక పండులానే తినాలి.భోజనంతో కలిపి అస్సలు తినకూడదు.

భోజనంతో కలపడం వలన మొటిమలు ఇతర చర్మ సమస్యలు, జీర్ణ సమస్యలకు దారితీస్తుంది.అందుకే భోజనానికి ఒక గంట ముందు లేదా భోజనం చేసిన రెండు గంటల తర్వాత మామిడి పండును తినడం మంచిది.

అలాగే మామిడిపండుతో ఒక స్పూన్ సబ్జా గింజలు తీసుకోవడం కూడా శరీరానికి చల్లదనాన్ని కలిగిస్తాయి.దీంతో మొటిమలు నివారించడంలో సహాయపడతాయి.