టార్గెట్ పురందేశ్వరి.. వైసీపీ సక్సెస్ అయిందా ?

ఈ మద్య ఏపీ రాజకీయాలు ఊహించని మలుపులు తిరుగుతున్నాయి.ఏపీలో ఎన్నికలకు ఇంకా చాలా సమయం ఉన్నప్పటికి పార్టీలు మాత్రం ఇప్పటి నుంచే సమరశంఖం పూరిస్తున్నాయి.

అయితే ఏపీ రాజకీయాలు ఎక్కువగా వైసీపీ, టీడీపీ, జనసేన పార్టీల చుట్టూ మాత్రమే తిరుగుతూ ఉంటాయి.కానీ ఈ మద్య బీజేపీ కూడా వార్తల్లో నిలుస్తోంది.

దీనికి కారణం అధికార వైసీపీ నేతలు ఎక్కువగా బీజేపీ అధ్యక్షురాలు పురందేశ్వరిని( Purandeswari ) టార్గెట్ చేస్తూ విమర్శలు చేయడమే.దీంతో ఏపీలో ఏ మాత్రం బలం లేని బీజేపీని వైసీపీ నేతలు ఎందుకు టార్గెట్ చేస్తున్నారు ? పురందేశ్వరి పై వైసీపీ నేతలు చేస్తున్న విమర్శల్లో ఆంతర్యం ఏంటి ? ఇలాంటి ప్రశ్నలు ఏపీ రాజకీయాల్లో హాట్ టాపిక్ గా మారాయి.నిజానికి పురందేశ్వరి ( Purandeswari )బీజేపీ అధ్యక్ష పదవి చేపట్టిన తరువాత ఆ పార్టీలో కొత్త ఉత్సాహం కనిపించింది.