హజ్ యాత్ర చేయాల‌నుకునేవారికి శుభ‌వార్త‌... వీసా వ్య‌వ‌ధి పెంపుతో పాటు...

హజ్ యాత్రకు వెళ్లాలనుకునే వారికి ఇది నిజంగా శుభవార్త.

ఈ ఏడాది హజ్ యాత్రకు వచ్చే యాత్రికుల సంఖ్యపై ఎలాంటి పరిమితి ఉండదని సౌదీ అరేబియా ఇటీవ‌లే ప్రకటించింది.

అంటే ఎంత మంది అయినా హజ్ యాత్రకు వెళ్లవచ్చు. సౌదీ హజ్, ఉమ్రా మంత్రి తౌఫిక్ అల్ ఈ విష‌య‌మై మాట్లాడుతూ ఈ సంవత్సరం హజ్‌లో పాల్గొనే వారి సంఖ్య ప్రీ-పాండమిక్ స్థాయికి తిరిగి వస్తుందని అన్నారు.

ఈ ఏడాది హజ్ యాత్రికులకు వయోపరిమితి కూడా లేక‌పోవ‌డం విశేషం.గతంలో కరోనా ఇన్ఫెక్షన్ కారణంగా, సౌదీ అరేబియా హజ్ తీర్థయాత్రలో ప్రయాణీకుల సంఖ్యను పరిమితం చేసింది.

దీనితో పాటు వయోపరిమితిని కూడా నిర్ణయించారు.

ఏ నగరానికైనా ప్రయాణించవచ్చు

ఉమ్రా వీసా వ్యవధిని 30 రోజుల నుంచి 90 రోజులకు పెంచినట్లు హజ్, ఉమ్రా మంత్రి తౌకీఫ్ అల్-రబీహ్ వివ‌రించారు.హజ్/ఉమ్రా వీసాపై వచ్చే వారు దేశంలోని ఏ నగరానికైనా ప్రయాణించవచ్చు.2023 నుండి, ప్రపంచవ్యాప్తంగా ఉన్న హజ్ ఏజెన్సీలు తమ దేశం నుండి హజ్ యాత్రికులకు అవసరమైన సౌకర్యాలను అందించడానికి అనుమతిని కలిగి ఉన్న ఏ కంపెనీతోనైనా విరివిగా ఒప్పందాలు కుదుర్చుకోవడానికి అనుమతించామ‌ని హజ్ మంత్రి తెలిపారు.

స్థానిక నివాసితుల కోసం నాలుగు కేటగిరీల హజ్ ప్యాకేజీలు

2019లో దాదాపు 25 మిలియన్ల మంది హ‌జ్‌యాత్రలో పాల్గొన్నారని అరబ్ న్యూస్ గతంలో నివేదించింది.అయితే కరోనా మహమ్మారి వ్యాప్తి కారణంగా, ఆ తరువాతి రెండేళ్లలో యాత్రికుల సంఖ్య చాలావ‌ర‌కూ తగ్గింది.ఒక నివేదిక ప్రకారం ఈ సంవత్సరం హజ్ చేయాలనుకునే దేశంలో నివసిస్తున్న ప్రజలు ఈ యాత్ర కోసం దరఖాస్తు చేసుకునేందుకు జూలై మధ్య నాటికి చెల్లుబాటు అయ్యే జాతీయ లేదా నివాస గుర్తింపును కలిగి ఉండాలి.

యాత్రికులు కోవిడ్-19 మరియు సీజనల్ ఇన్‌ఫ్లుఎంజా వ్యాక్సినేషన్‌కు సంబంధించిన రుజువును త‌మ వ‌ద్ద కలిగి ఉండాలి.సాధారణ రోజుల్లో, హజ్ కమిటీ ఆఫ్ ఇండియా మరియు ప్రైవేట్ టూర్ ఆపరేటర్ల ద్వారా ప్రతి సంవత్సరం భారతదేశం నుండి సుమారు రెండు లక్షల మంది హజ్ యాత్రకు వెళుతుండటం గమనార్హం.

ఇస్లాంలోని ఐదు విధులలో హజ్ ఒకటి.మిగిలిన నాలుగు విధులు కల్మా, రోజా, నమాజ్ మరియు జకాత్ అని చెబుతారు.