హిండెన్బర్గ్ రిపోర్ట్ ప్రకారం ఇటీవలికాలంలో రూ.లక్షల కోట్లను నష్టపోయిన గౌతమ్ అదానీ, తన కంపెనీల షేర్లు పుంజుకోవడంతో మరలా సంపదను పెంచేసుకున్నాడు.
ఎంత త్వరగా పోగొట్టుకున్నారో, అంతే స్పీడుగా తిరిగి సంపాదించుకున్నారు.వారిని ఊరికే సంపన్నులు అని అనరు కదా! ఈ ఏడాది జనవరి 17న ఆయన ప్రపంచంలోనే 3వ అత్యంత సంపన్న వ్యక్తిగా రికార్డుకెక్కారు.
ఇక ఈ రిపోర్టు కారణంగా పోయినవారం టాప్– 20లో కూడా ఆయన కనబడక పోవడం కొసమెరుపు.ఇప్పుడు పరిస్థితులు కాస్త చక్కబడటంతో మళ్లీ ఫోర్బ్స్ ప్రపంచంలోని అత్యంత సంపన్నుల జాబితాలోకి ఎక్కేసారు.
అయితే ఇది వారికి కొత్తేమి కాదు.వారే కాదు ప్రపంచ వ్యాప్తంగా వున్న కుబేరులంటే ఇదే మాదిరి ఎక్కుతూ, దిగుతూ వుంటారు.కాగా ఈయన ప్రస్తుతం 17వ ర్యాంకులో ఉన్నారు.తాజాగా మంగళవారం అదానీ గ్రూప్ స్టాక్స్ పెరిగిన తర్వాత, ఆయన నెట్వర్త్ 463 మిలియన్ డాలర్లు అంతే దాదాపు రూ.3,811 కోట్లు ఎగబాకింది.దాంతో అదానీ గ్రూప్ ఫ్లాగ్‌షిప్ అదానీ ఎంటర్‌ప్రైజెస్ ఇంట్రాడేలో అప్పర్ సర్క్యూట్‌ను తాకి 14.63 శాతం పెరిగింది.డిసెంబర్ క్వార్టర్లో లాభం తగ్గినప్పటికీ అదానీ పోర్ట్స్ అండ్ స్పెషల్ ఎకనామిక్ జోన్స్ (ఏపీఎస్ఈజెడ్) 1.33 శాతం లాభపడింది.
ఇకపోతే అదానీ గ్రూపుపై హిండన్బర్గ్ గ్రూపు ఇటీవల పలు ఆరోపణలు చేసినప్పటికీ, అవేమి అదానీ గ్రూపుని ప్రభావితం చేయలేకపోయింది.కాగా ఈ కంపెనీ స్టాక్స్పై 2019 నుంచే నిఘా ఉన్నట్టు స్టాక్ మార్కెట్ డేటా చూపిస్తోంది.ధరల్లో భారీ మార్పులు, ప్రమోటర్ల షేర్లు తనఖాలో ఉండటంతో 6 కంపెనీ షేర్లను ‘అడిషనల్ సర్వైలెన్స్ మెకానిజం’లో ఉంచినట్టు సెబీ ఇటీవల ప్రకటించిన సంగతి విదితమే.
అయితే అదానీ ఎపిసోడ్ను మార్కెట్ రెగ్యులేటర్ సెబీ పట్టించుకోవడం లేదంటూ ప్రతిపక్షాలు విమర్శించడం మనం అసెంబ్లీలో చూడవచ్చు.సెబీ స్పందిస్తూ స్టాక్ మార్కెట్ల ప్రయోజనాలు కాపాడేందుకు అన్ని చర్యలూ తీసుకుంటామని, ఇందుకు అవసరమైన నిఘా ఏర్పాట్లు ఉన్నాయని తెలిపింది.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
