"జగనన్న విద్యుత్ కోతల" పథకం అంటూ గంటా శ్రీనివాసరావు సెటైర్లు..!!

టీడీపీ నేత ఎమ్మెల్యే గంటా శ్రీనివాసరావు( MLA Ganta Srinivasa Rao ) రాష్ట్రంలో విద్యుత్ కోతల విషయంపై ట్విట్టర్ వేదికగా ఆగ్రహం వ్యక్తం చేశారు.

రాష్ట్రంలో జగనన్న విద్యుత్ కోతల పథకం అమలు చేస్తున్నారని సెటైర్లు వేశారు.

"ఆంధ్రప్రదేశ్ రాష్ట్రంలో "జగనన్న విద్యుత్ కోతల" పథకం అమలు.ఇక పరిశ్రమలకు కూడా కష్టకాలం వచ్చేసింది.

విద్యుత్‌ సరఫరాలో బారి కోతలు( Power Cuts ) విధిస్తూ పరిశ్రమలకు వినియోగ గడువు నిర్ణయించడంతో పాటు వారానికో రోజు పవర్‌ హాలిడే( Power Holiday ) ప్రకటించి పరిశ్రమల నడ్డి విరుస్తున్నారు.ఏపీలో పరిశ్రమలపై నాలుగున్నారేళ్లగా పిడుగులు పడుతూనే ఉన్నాయి.

పరిశ్రమలు అంటే వైకాపా ప్రభుత్వానికి డబ్బులు కట్టే సంస్థలుగానే చూస్తున్నారు కానీ… అవి కొన్ని లక్షల మందికి ఉపాధి కల్పిస్తున్నాయని… వాటిని కాపాడుకుందామనే ఆలోచన ఎప్పుడూ చేయలేదు.కరెంట్ చార్జీలను( Current Charges ) ఇష్టం వచ్చినట్లుగా పెంచడంతో ఫెర్రో అల్లాయిస్ పరిశ్రమలు దాదాపుగా మూతబడ్డాయి.

ఇప్పుడు ఇతర పరిశ్రమలకూ కరెంట్ కోతలతో అదే పరిస్థితిని తీసుకొస్తున్నారు కష్టకాలంలో సహజంగా పరిశ్రమలకు ఏప్రిల్‌, మే నెలల్లో పవర్‌ హాలిడే ప్రకటిస్తారు.కానీ సెప్టెంబరు తొలివారంలోనే ఈ విధానాన్ని అమలు చేయడం వైకాపా ప్రభుత్వ చేతకాని అసమర్థ పాలనకు ఇది ఒక మచ్చుతునక.

ఇప్పుడే ఇలాంటి పరిస్థితి ఉంటే భవిష్యత్తులో ఇంకా ఎలాంటి దారుణమైన పరిస్థితులు ఎదుర్కోవలసి వస్తోంది జగన్మోహన్ రెడ్డి గారు.( CM Jagan ) మీరు అధికారంలోకి వచ్చిన దగ్గర నుంచి 9 సార్లు విద్యుత్ చార్జీలు పెంచి ప్రజలపై వేల కోట్ల భారం వేశారు.