ఆదివారం తెల్లవారుజామున ఇంగ్లీష్ ఛానల్లో( English Channel ) ఘోర ప్రమాదం జరిగింది.కొంతమంది ప్రయాణిస్తున్న బోటు తిరగబడడంతో అందులోని ఐదుగురు మృతి చెందారు.
ఫ్రాన్స్ నుంచి ఇంగ్లాండ్కు అక్రమంగా వెళ్లేందుకు వీరు ప్రయత్నిస్తున్నారు.
ఉత్తర ఫ్రాన్స్లోని పాస్-డి-కలైస్లోని( Pas-de-Calais ) బీచ్కు సమీపంలో ఒక చిన్న పడవలో వచ్చిన 70 మందిలో వారు ఒకరిగా ఉన్నారు.
పడవ స్థిరంగా లేకపోవడంతో ఒడ్డు నుంచి బయలుదేరిన వెంటనే బోల్తా పడింది.ఫ్రెంచ్ కోస్ట్ గార్డ్( French Coast Guard ) షిప్ ప్రమాదాన్ని చూసి సహాయం చేయడానికి ముందుకు వచ్చారు, నీటిలో ఐదు మృతదేహాలను గుర్తించారు.
నీట మునిగిన 32 మందిని రెస్క్యూ టీమ్ కాపాడింది.వాళ్ళలో బాగా అస్వస్థతకు గురైన ఒకరిని సమీప నగరంలోని ఆసుపత్రికి తీసుకెళ్లారు.మరొక వ్యక్తి చాలా తక్కువ శరీర ఉష్ణోగ్రతతో బీచ్లో చికిత్స పొందాడు.మరణించిన వారిలో నలుగురు ఇరాక్, సిరియా దేశాలకు చెందిన వారని ఫ్రాన్స్ అధికారులు తెలిపారు.
ఐదో వ్యక్తి ఎక్కడి నుంచి వచ్చాడో చెప్పలేదు.
బ్రిటన్ విదేశాంగ మంత్రి డేవిడ్ కామెరూన్( David Cameron ) మాట్లాడుతూ ఈ ప్రమాదంపై తీవ్ర విచారం వ్యక్తం చేశారు.ఆదివారం ఆయన బీబీసీ జర్నలిస్టు లారా కుయెన్స్బర్గ్తో మాట్లాడారు.“ఇలాంటి విషాద సంఘటనలు, ప్రాణ నష్టం జరిగినప్పుడు హృదయం విదారకంగా ఉంటుంది.
అర్ధరాత్రి ఛానల్లోని చల్లని నీరు ప్రజలను చంపేస్తుంది.దాని గురించి వినడం వల్ల నా హార్ట్ బ్రేక్ అయింది.” అని అన్నారు.
మరణించిన వారు వలస వచ్చినవారు.
వారు ఇంగ్లాండ్లో( England ) మెరుగైన జీవితం కోసం తమ ప్రయాణాన్ని మొదలుపెట్టారు.బోటు బీచ్ నుంచి బయలుదేరుతుండగా ఎక్కేందుకు ప్రయత్నించినా ఫలితం లేకపోయింది.
పడవ చాలా చిన్నది, చాలా రద్దీగా ఉంది.సముద్రం చాలా ఉధృతంగా ఉంది, చాలా చల్లగానూ ఉంది.
ఈ ప్రమాదం చాలా దురదృష్టకరమని ఫ్రెంచ్ మారిటైమ్ ప్రిఫెక్చర్ పేర్కొంది.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
