కూటమి పార్టీల్లో క్రాస్ ఓటింగ్ భయం ?

పొత్తులో భాగంగా ఎంపీ స్థానాల్లో వేరే పార్టీ అభ్యర్థి పోటీలో ఉన్నా.ఆ గుర్తు గురించి ఎమ్మెల్యే అభ్యర్థులు ప్రచారం నిర్వహించకపోవడం పై మూడు పార్టీల్లోనూ గందరగోళం నెలకొంది.అయితే రెండు గుర్తులను ప్రచారం చేస్తే ఓటర్లు కన్ఫ్యూజ్ అవుతారనే ఉద్దేశంతో ఎమ్మెల్యే అభ్యర్థులు ఎంపీ అభ్యర్థులు గుర్తు గురించి ప్రచారం చేయకపోవడం తో ఈ కూటమి పార్టీల్లో కొత్త ఆందోళనకు తెరతీసింది.

ఇదే పరిస్థితి కొనసాగితే పోలింగ్ సమయంలో క్రాస్ ఓటింగ్ జరుగుతుందని, దీని కారణంగా మూడు పార్టీలు తీవ్రంగా నష్టపోవాల్సి వస్తుందనే భయం వారిని వెంటాడుతోంది.దీనిపై అలర్ట్ అయిన మూడు పార్టీల అధిష్టానాలు అభ్యర్థులకు ఫోన్ చేసి మరి సూచనలు చేస్తూ.

ఖచ్చితంగా మిత్రపక్షం పోటీ చేస్తున్న అభ్యర్థి ఎన్నికల గుర్తు గురించి ప్రజలకు అర్థమయ్యేలా వివరించాలని చెబుతున్నారట.

Aమూడు పార్టీలలో ఇదే విధమైన పరిస్థితి కనిపిస్తుండడంతో, క్రాస్ ఓటింగ్ జరిగితే జరిగే నష్టం తీవ్రంగా ఉంటుందని ఆందోళన చెందుతున్నారు.ఎన్నికల ఫలితాల్లో శాసనసభ నియోజకవర్గాల్లో ఒక పార్టీ అభ్యర్థి గెలిచి, పార్లమెంట్ కు పోటీ చేసిన కూటమి అభ్యర్థి ఓడిపోతే, క్రాస్ ఓటింగ్ జరిగిందనే విషయం స్పష్టంగా తేలిపోతుంది.అది తమకు భవిష్యత్తులో తలనొప్పిగా మారుతుందని మూడు పార్టీల అధిష్టానాలు ఆందోళన చెందుతున్నాయి.