తెలంగాణ ప్రత్యేక రాష్ట్ర ఉద్యమ సమయం లో టిఆర్ఎస్ పార్టీ ముఖ్య నాయకుడిగా వ్యవహరించిన ఈటెల రాజేందర్( Etela Rajender ) కాల క్రమేనా.రాజకీయ పరిస్థితుల కారణంగా అధికార బీఆర్ఎస్ పార్టీ ని వదిలేసిన విషయం తెల్సిందే.
ప్రస్తుతం బిజెపి లో ఉన్న విషయం కూడా తెలిసిందే బీఆర్ఎస్( BRS party ) నుండి ఈటెల రాజేందర్ ను అవమానకరంగా పంపించేశారు అంటూ చాలా మంది ఆయన మద్దతుదారులు ఇప్పటికీ మాట్లాడుకుంటూ ఉన్నారు.ఆ విషయం పక్కన పెడితే ప్రస్తుతం ఉన్న బిజెపి లో కూడా ఆయనకు సమచిత గౌరవం దక్కడం లేదు అంటూ కొందరు అభిప్రాయం వ్యక్తం చేస్తున్నారు.
మొత్తానికి బిజెపి లో ఆయన ఎంత కాలం ఉంటాడు అనేది అనుమానమే అంటూ రాజకీయ వర్గాల్లో చర్చ జరుగుతుంది.ఈ నేపథ్యం లో ఈటెల రాజేందర్ మళ్లీ సొంత పార్టీ బీఆర్ఎస్ వైపు వెళ్లే అవకాశాలు ఉన్నాయంటూ ఆ మధ్య ప్రచారం జరుగుతుంది.కానీ ఆ వార్తలను ఇటీవల సన్నిహితులు కొట్టి పారేశారు.ఇక ఆయనను రేవంత్ రెడ్డి( Revanth reddy ) కాంగ్రెస్ పార్టీలోకి సాదరంగా ఆహ్వానిస్తున్నాడు.
ప్రస్తుతం బిజెపి లో చేరికల కమిటీ చైర్మన్ గా వ్యవహరిస్తున్న ఈటెల రాజేందర్ ముందు ముందు కాంగ్రెస్ పార్టీ లో చేరే అవకాశాలు ఉన్నాయంటూ స్వయంగా బిజెపి నాయకులు మాట్లాడుకోవడం ఆశ్చర్యాన్ని కలిగిస్తుంది.కాంగ్రెస్ నాయకులు కూడా చాలా మంది ఈటెల బిజెపి వదిలి తమ పార్టీ లోకి వస్తాడు అంటూ మాట్లాడుకుంటున్నారట.త్వరలోనే ఈటెల భవితవ్యం తేలే అవకాశం ఉంటుందని కూడా చాలా మంది మాట్లాడుకుంటున్నారు.కానీ ఈటెల రాజేందర్ మాత్రం తాను పార్టీ మారేది లేదని చెప్తున్నాడు.మళ్లీ మళ్లీ పార్టీ మారితే ప్రజల్లో విశ్వాసం కోల్పోయే అవకాశం ఉంటుంది.కనుక ఈటెల బీజేపీలోనే కొనసాగే అవకాశాలు ఉన్నాయి అంటూ కొందరు ఆయన సన్నిహితులు చెబుతున్నారు.