రోజులో కొంత సమయం అయ్యాక అలసట వచ్చి విశ్రాంతి తీసుకోవాలని అనిపిస్తుందా? రోజంతా ఉత్సాహంగా,ఉల్లాసంగా ఉండాలంటే జీవనశైలిలో కొద్దిపాటి మార్పులు చేసుకుంటే సరిపోతుంది.ఆ మార్పులు గురించి తెలుసుకుందాం.
ఈ మార్పులను చేసుకుంటే ఉదయం లేచినప్పటి నుండి రాత్రి పడుకొనే వరకు ఎంతో ఉల్లాసంగా ఉంటారు.
సరైన పోషకాహారం తీసుకోవాలి.
జంక్ ఫుడ్స్ మరియు కొవ్వు ఎక్కువగా ఉన్న ఆహారాలను దూరం పెట్టాలి.సాధ్యమైనంతలో ప్రతి రోజు ఒకే సమయానికి భోజనం చేసేలా చూసుకోవాలి.
భోజనానికి భోజనానికి మధ్య ఎక్కువ విరామం ఉండేలా చూసుకోవాలి.అంతేకాక అస్తమాను ఎదో ఒకటి తినకూడదు.
తీసుకున్న ఆహారం జీర్ణం అయ్యేవరకు మరొక ఆహారాన్ని తీసుకోకుండా ఉంటేనే మంచిది.
తీసుకున్న ఆహారానికి సరిపడా శారీరక శ్రమ చేస్తే ఉల్లాసంగా ఉంటారు.ఒకవేళ శారీరక శ్రమ తక్కువగా ఉంటే మాత్రం కాస్త మందకొడిగా ఉంటారు.నిద్ర తప్పనిసరిగా 7 నుంచి 8 గంటల సమయం ఉండేలా చూసుకోవాలి.
ఒకవేళ అలసట ఎక్కువగా ఉంటే మాత్రం మరో గంట నిద్ర పోయిన తప్పు లేదు.నిద్రలో శరీరానికి అవసరమైన శక్తి దొరుకుతుంది.
ఒత్తిడి లేకుండా చూసుకోవాలి.ఒత్తిడి లేకుండా ఉండటానికి కొన్ని హాబీలను అలవాటు చేసుకోవాలి.
ఒత్తిడి తగ్గితే ఆటో మెటిక్ గా శరీరానికి విశ్రాంతి కలుగుతుంది.ఈ జాగ్రత్తలను పాటిస్తే శరీరానికి అలసట తగ్గి రోజంతా ఉషారుగా,ఉల్లాసంగా ఉంటారు.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
