ఎన్నికల జోస్యం :  పీకే కు అంత సీన్ లేదా ? దొరికిపోయాడుగా

ఏపీలో ఎన్నికల( Elections in AP ) ఫలితాలు ఏ విధంగా వెలువడబోతున్నాయి అనేది అందరికీ టెన్షన్ పుట్టిస్తున్నాయి .

ఒకవైపు టిడిపి , జనసేన , బిజెపిలు( TDP, Janasena, BJP ) ఏపీలో అధికారం తమదే అన్న ధీమాతో ఉండగా , వైసిపి కూడా మళ్లీ తామే అధికారంలోకి రాబోతున్నామని ,ఈసారి గతం కంటే ఎక్కువ స్థానాలను దక్కించుకుంటామని ధీమా గా చెబుతోంది.

అయితే ఏకపక్షంగా ఎన్నికల ఫలితాలు ఉండవని,  ఎవరు అధికారంలోకి వచ్చినా,  బొటాబోటి మెజారిటీతోనే అధికారాన్ని చేపడుతారనే అంచనాలు అందరిలోనూ ఉన్నాయి.ఇది ఎలా ఉంటే ఏపీలో వైసిపి అధికారంలోకి వచ్చే ఛాన్స్ లేదని , కూటమి అధికారంలోకి వస్తుందని ప్రముఖ రాజకీయ వ్యూహకర్త ప్రశాంత్ కిషోర్ కొద్ది రోజుల క్రితమే సంచలన వ్యాఖ్యలు చేశారు .ప్రశాంత్ కిషోర్ చేసిన వ్యాఖ్యలు వైసిపి స్పందించి ఆయనపై విమర్శలు చేయగా , టిడిపి,  జనసేన , బిజెపి శ్రేణుల్లో ఉత్సాహం కనిపిస్తోంది.