అమెరికన్ రాజకీయాల్లో కలకలం రేగింది.అధ్యక్ష ఎన్నికల్లో రిపబ్లికన్ పార్టీ నామినేషన్ కోసం పోటీపడిన మాజీ అధ్యక్షుడు డొనాల్డ్ ట్రంప్, భారత సంతతికి చెందిన బిలియనీర్ వివేక్ రామస్వామి( Vivek Ramaswamy )లు మార్ ఏ లాగో రిసార్ట్లో తళుక్కుమన్నారు.ట్రంప్కు ఈ నెలలో విచిత్ర ఘటనలు ఎదురవుతున్నాయి.2024 ప్రెసిడెన్షియల్ క్యాంపెయినింగ్కు సంబంధించి అయోవా, న్యూహాంప్షైర్, నెవాడాలలో ప్రాథమిక విజయాల నుంచి జనవరి 6 ఘటనపై సుప్రీంకోర్టు విచారణ వరకు ట్రంప్కు పరస్పర విరుద్ధ ఘటనలు ఫేస్ చేస్తున్నారు.
![Telugu Apoorva, Donald Trump, Joe Biden, Mar Lago, Melania, Republican, Presiden Telugu Apoorva, Donald Trump, Joe Biden, Mar Lago, Melania, Republican, Presiden](https://telugustop.com/wp-content/uploads/2024/02/Mar-A-Lago-Donald-Trump-Melania-Apoorva-Joe-Biden-US-presidential-election-Ramaswamy.jpg)
మార్ ఏ లాగోలో జరిగిన ‘‘ మెగా మాగా’’ (మేక్ అమెరిక్ గ్రేట్ ఎగైన్) కార్యక్రమానికి ట్రంప్ సతీమణి, మాజీ ప్రథమ మహిళ మెలానియా ట్రంప్ ( Melania )హాజరయ్యారు.అధ్యక్ష ఎన్నికల్లో ఇప్పటి వరకు ట్రంప్ను ప్రమోట్ చేసేలా మెలానియా ఎలాంటి కార్యక్రమానికి హాజరుకాలేదు.అలాంటిది మార్ ఏ లాగ్కు ఆమె రావడం రిపబ్లికన్ పార్టీలోనూ, రాజకీయ వర్గాల్లోనూ చర్చకు దారితీసింది.అలాంటిది వివేక్ రామస్వామి , అతని సతీమణి అపూర్వ టీ రామస్వామి ట్రంప్ కుటుంబంతో కలివిడిగా వుండటంపై నెటిజన్లు ఆశ్చర్యపోతున్నారు.
![Telugu Apoorva, Donald Trump, Joe Biden, Mar Lago, Melania, Republican, Presiden Telugu Apoorva, Donald Trump, Joe Biden, Mar Lago, Melania, Republican, Presiden](https://telugustop.com/wp-content/uploads/2024/02/Donald-Trump-Melania-Apoorva-Joe-Biden-US-presidential-election-Ramaswamy.jpg)
కాగా.తొలుత ట్రంప్( Donald Trump )కు పోటీనిచ్చే స్థాయిలో దూసుకొచ్చిన వివేక్.అనూహ్యంగా అమెరికా అధ్యక్ష ఎన్నికల బరిలోంచి గత నెలలో తప్పుకున్న సంగతి తెలిసిందే.రిపబ్లికన్ పార్టీ అభ్యర్ధిత్వానికి సంబంధించి ఇటీవలి అయోవా ప్రైమరీలో ఎలాంటి ప్రభావం చూపించని నేపథ్యంలో వివేక్ ఈ నిర్ణయం తీసుకున్నట్లుగా తెలుస్తోంది.
డొనాల్డ్ ట్రంప్కు తన మద్ధతు వుంటుందని రామస్వామి వెల్లడించారు.తాము అనుకున్న విధంగా ఫలితాలు రాలేదని, ఈ క్రమంలో ప్రచారాన్ని నిలిపివేస్తున్నామని, అమెరికా అధ్యక్షుడిగా వుండేందుకు తనకు మార్గం లేదని వివేక్ తెలిపారు.
తాజా పరిణామాల నేపథ్యంలో ట్రంప్ తన వైస్ ప్రెసిడెంట్గా వివేక్ రామస్వామిని ఎంచుకుంటారా అన్న చర్చ జరుగుతోంది.మరి మార్ ఏ లాగోలో వీరిద్దరి కలయిక దేనికి సంకేతమన్నది త్వరలోనే తెలియనుంది.
ఇద్దరిలో ఎవరో ఒకరు స్పందించకుంటే మాత్రం .మీడియా, సోషల్ మీడియాలో ఊహాగానాలకు తెరపడవు.