సోషల్ మీడియాలో ఓ వీడియో ఇప్పుడు వైరల్( Viral ) అవుతోంది.చూస్తే కడుపుబ్బా నవ్వించేలా, సరదాగా, కాస్త ఆశ్చర్యంగా కూడా ఉంది.
ఇందులో ఓ వీధి కుక్క,( Stray Dog ) ఓ బైకర్( Biker ) మధ్య జరిగిన ఓ సంఘటన అందరినీ నవ్విస్తోంది, అదే సమయంలో నెట్టింట చర్చకు కూడా దారితీసింది.
వీడియో మొదట్లో చూస్తే అంతా మామూలే అనిపిస్తుంది.
ఓ వీధి కుక్క బైక్‌పై వెళ్తున్న వ్యక్తిని వెంటాడుతుంది.చాలా వీధి కుక్కల్లాగే, అది కూడా గట్టిగట్టిగా అరుస్తూ, ‘ఇది నా ఏరియా, ఇక్కడి నుంచి వెళ్లిపో’ అన్నట్లుగా ఆ బైకర్‌ను బెదిరించడానికి ప్రయత్నిస్తున్నట్టు ఉంది.
సాధారణంగా ఇలాంటి టైమ్‌లో కుక్కలకు భయపడి బైకర్లు స్పీడ్ పెంచి అక్కడి నుంచి వెళ్లిపోతారు.కానీ ఇక్కడ కథ అడ్డం తిరిగింది.
అందరూ ఊహించిన దానికి భిన్నంగా, ఆ బైకర్ పారిపోలేదు సరికదా సడన్‌గా బండి ఆపేశాడు.క్షణాల్లో బైక్‌ను వెనక్కి తిప్పి, రివర్స్‌లో ఆ కుక్కను వెంబడించడం మొదలుపెట్టాడు.
ఒక్క నిమిషం ముందు వరకు హీరోలా బిల్డప్ ఇచ్చిన కుక్క బైకర్ ఎటాక్ చేసేసరికి ఒక్కసారిగా బెదిరిపోయింది.ప్రాణాలు అరచేతిలో పెట్టుకుని అక్కడి నుంచి పరుగు లంఘించుకుంది.
అచ్చం మనం ‘UNO’ కార్డ్ గేమ్‌లో ‘రివర్స్ కార్డ్’ వేసినట్టు సీన్ మొత్తం రివర్స్ అయిపోయింది.
ఈ ఫన్నీ సీన్‌ను అక్కడే రోడ్డు పక్కన ఉన్న ఎవరో వీడియో తీశారో, లేక బైక్‌కు అమర్చిన కెమెరాలో రికార్డ్ అయ్యిందో తెలియదు కానీ, ఇప్పుడీ వీడియో సోషల్ మీడియా ప్లాట్‌ఫామ్‌లలో చక్కర్లు కొడుతోంది.ఇప్పటికే లక్షల్లో వ్యూస్, వేలల్లో కామెంట్లు వచ్చాయి.చాలా మంది నెటిజన్లు దీన్ని ‘ఈ వారపు UNO రివర్స్ మూమెంట్’ అని పిలుస్తూ షేర్ చేస్తున్నారు.
ఈ వీడియో చూసిన వారిలో చాలా మంది ‘భలే ఫన్నీగా ఉంది’, ‘బైకర్ ఐడియా సూపర్’ అంటూ ఎంజాయ్ చేస్తున్నారు.అయితే, మరికొందరేమో ‘పాపం కుక్కను మరీ అంతలా భయపెట్టడం అవసరమా?’ అంటూ జాలి పడుతున్నారు.దీంతో ఆన్‌లైన్‌లో ఈ వీడియోపై మిశ్రమ స్పందనలు, భిన్నాభిప్రాయాలు వ్యక్తమవుతున్నాయి.ఎవరేమనుకున్నా, ఎవరు ఏవైపు ఉన్నా.ఈ మధ్య కాలంలో చూసిన అత్యంత ఊహించని, భలే ఎంటర్‌టైనింగ్ వీడియో క్లిప్‌లలో ఇది ఖచ్చితంగా ఒకటని మాత్రం అందరూ ఒప్పుకుంటున్నారు.
