డైనోసార్లు ( Dinosaurs )ఎలా అంతం అయ్యాయానే దాని గురించి తెలుసుకోవాలనే కుతూహల చాలామందికి ఉంటుంది.దాదాపు 66 మిలియన్ సంవత్సరాల క్రితం ఒక భారీ గ్రహశకలం భూగ్రహాన్ని ఢీకొట్టిందని చాలా మంది శాస్త్రవేత్తలు నమ్ముతారు, ఇది చాలా జీవ జాతులను తుడిచిపెట్టే సంఘటనలను ప్రేరేపించింది.
అయితే గ్రహశకలం ప్రభావం అటువంటి పెద్ద ప్రపంచ విపత్తుకు ఎలా కారణమైంది? వంటి వివరాలను శాస్త్రవేత్తలు తాజా అధ్యయనంలో కనుగొన్నారు.
కొత్త అధ్యయనం ప్రకారం, గ్రహశకలం ప్రభావంతో భారీ పేలుడు సంభవించింది, ఇది వాతావరణంలోకి భారీ మొత్తంలో ధూళిని విడుదల చేసింది.ధూళి కణాలు చాలా చిన్నవి కానీ అతి ఎక్కువ సంఖ్యలో ఉన్నాయి, అవి 15 ఏళ్ల వరకు సూర్యుడిని భూమిపై ఉన్న జంతువులకు కనపడకుండా చేశాయి.సూర్యకిరణాలు( sun rays ) భూమిపై ఎక్కడా పడలేదు.
ఇది ఉష్ణోగ్రతలో విపరీతమైన తగ్గుదలకు, కిరణజన్య సంయోగక్రియలో ఆగిపోవడానికి కారణమైంది.కిరణజన్య సంయోగక్రియ అంటే ఆహారం, ఆక్సిజన్ను ఉత్పత్తి చేయడానికి మొక్కలు సూర్యరశ్మిని ఉపయోగించే ప్రక్రియ.
ఆహారం, ఆక్సిజన్ లేకుండా, మొత్తం ఆహార గొలుసు కుప్పకూలింది.దుమ్ము కూడా విస్తృతమైన అడవి మంటలు, సల్ఫర్ ఏరోసోల్స్( Sulfur aerosols ) విడుదలకు కారణమైంది, ఇది వాతావరణం, గాలి నాణ్యతను మరింత దిగజార్చింది.
సైంటిస్టులు స్టడీలో భాగంగా ఉత్తర డకోటాలోని టానిస్ పాలియోంటాలజీ సైట్ ( Tanis Paleontology Site, Dakota )అవక్షేప పొరలను పరిశీలించారు.ఇక్కడ గ్రహశకలం పడిందన్న రుజువు ఉంది.అధ్యయనం ప్రధాన రచయిత, సెమ్ బెర్క్ సెనెల్, డైనోసార్ల అంతంలో దుమ్ము ప్రాముఖ్యతను వివరించారు.“ధూళి ఫొటోసింథసిస్ను చాలా కాలం పాటు అడ్డంకిగా నిలవచ్చు, అది తీవ్రమైన సవాళ్లను కలిగిస్తుంది.ఇది ఫుడ్ చైయిన్లోని అన్ని జాతులు అంతరించిపోయే గొలుసు ప్రతిచర్యకు ఇది దారి తీస్తుంది,” అని సెనెల్ అన్నారు.అయితే, అంతరించిపోవడానికి ఏకైక కారణం ధూళి అని అందరు శాస్త్రవేత్తలు అంగీకరించడం లేదు.
అధ్యయనంలో పాల్గొనని గ్రహాల శాస్త్రవేత్త డేవిడ్ కింగ్, విపత్తుకు దోహదపడే అనేక పర్యావరణ ప్రభావాలు ఉన్నాయని ఎత్తి చూపారు.ఈ అధ్యయనం గ్రహశకలం ప్రభావ సిద్ధాంతంపై కొత్త వెలుగునిస్తుంది, అయితే ఇది కొత్త ప్రశ్నలు, సవాళ్లను కూడా లేవనెత్తుతుంది.
డైనోసార్లు అంతరించిపోవడానికి గల కారణం సరిగ్గా తెలుసుకోవాలంటే మరింత పరిశోధన, సాక్ష్యం అవసరం.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
