భోజనం తర్వాత బెల్లం, నెయ్యి కలిపి తీసుకుంటే ఎన్ని ఆరోగ్య లాభాలో తెలుసా?

బెల్లం, నెయ్యి.ఈ రెండు ఆహార పదార్థాలు ఆరోగ్యపరంగా ఎన్ని ప్రయోజనాలను చేకూరుస్తాయో ప్రత్యేకంగా వివరించి చెప్పక్కర్లేదు.

బెల్లం మరియు నెయ్యిలో లెక్కలేనన్ని పోషకాలు నిండి ఉంటాయి.అందుకే వీటిని విడివిడిగా అప్పుడప్పుడు తీసుకుంటూనే ఉంటాం.

కానీ భోజనం చేసిన తర్వాత బెల్లం, నెయ్యి కలిపి తీసుకుంటే ఆరోగ్యానికి చాలా మంచిదని చెబుతున్నారు నిపుణులు.సాధారణంగా భోజనం చేసిన తర్వాత చాలా మందికి స్వీట్ క్రేవింగ్స్ అధికంగా ఉంటాయి.

దాంతో స్వీట్స్ ను లాగించేస్తుంటారు.ఫలితంగా రక్తంలో చక్కెర స్థాయిలు అదుపు తప్పుతాయి.

అయితే భోజనం తర్వాత వన్ టేబుల్ స్పూన్ నెయ్యిలో వన్ టేబుల్ స్పూన్ బెల్లం తురుము కలిపి తీసుకుంటే స్వీట్ క్రేవింగ్స్ ఉండవు.పైగా బెల్లం నెయ్యిలో ఉండే పోషకాలు రక్తంలోని చక్కెర స్థాయిలను నియంత్రణలో ఉంచడానికి అద్భుతంగా తోడ్పడతాయి.