ప్రస్తుతం ఇంటర్నెట్‌లో ఓ ఫన్నీ వీడియో బాగా వైరల్ అవుతోంది.ఇది జంతువుల మధ్య జరిగిన ఓ స్ట్రీట్ ఫైట్.
( Street Fight ) కానీ చూస్తుంటే ఏదో కామెడీ సినిమా సీన్ లా అనిపిస్తుంది తప్ప, నిజంగా జరిగిన గొడవలా అస్సలు లేదు.ఈ వీడియో ఇప్పుడు లక్షలాది మంది దృష్టిని ఆకర్షించి, నెట్టింట నవ్వులు పూయిస్తోంది.
ఈ వీడియోను మొదట ట్విట్టర్ లో షేర్ చేశారు.వీడియో మొదలవగానే, ఓ వీధి మధ్యలో రెండు పిల్లులు( Cats ) భీకరంగా పోట్లాడుకోవడం కనిపిస్తుంది.మొదట చూస్తే, ఇది మామూలు పిల్లుల గొడవే అనిపిస్తుంది.రెండూ యమా కోపంతో, ఒకదానిపై ఒకటి పూర్తి ఫోకస్‌తో ఉన్నాయి.
కానీ అంతలోనే సీన్‌లోకి ఓ కాకి( Crow ) అనూహ్యంగా ఎంట్రీ ఇచ్చింది.ఎక్కడి నుంచి వచ్చిందో ఏమో గానీ, అలా ఎగిరి వచ్చి పోట్లాడుకుంటున్న పిల్లుల్లో ఒకదాని తోకను టక్కున పొడిచింది.
కాకి చేసిన ఈ చిన్న పనితో సీన్ మొత్తం తలకిందులైంది.ఓ పిల్లి తన ప్రత్యర్థిని వదిలేసి, కాకి సంగతి చూద్దామని దాని వైపు తిరిగింది.ఇదే అదునుగా రెండో పిల్లికి దాడి చేయడానికి సూపర్ ఛాన్స్ దొరికింది.దీంతో ఆ స్ట్రీట్ ఫైట్ మరింత రచ్చగా, గందరగోళంగా మారింది.
అయితే, ఆ కాకి అక్కడి నుంచి ఎగిరిపోలేదు.పైగా, ఆ రెండు పిల్లుల చుట్టూ తిరుగుతూ అక్కడే ఉంది.
దాన్ని చూస్తుంటే, అచ్చం బాక్సింగ్ మ్యాచ్‌లో రెఫరీలా వ్యవహరిస్తున్నట్టు అనిపించింది కొందరికి.మరికొందరు నెటిజన్లు అయితే, ఆ కాకి ఆ డ్రామాను ఎంజాయ్ చేస్తున్నట్టుందని కామెంట్లతో సెటైర్లు వేస్తున్నారు.
కాకి, పిల్లుల మధ్య ఈ రచ్చ జరుగుతుండగానే, కథలోకి సైలెంట్‌గా ఓ కుక్క( Dog ) ఎంట్రీ ఇచ్చింది.అది అరవడం కానీ, వాటి వెంట పరుగెత్తడం కానీ చేయలేదు.చాలా కూల్‌గా, సాధారణంగా అలా నడుచుకుంటూ వచ్చింది.కానీ, దాని ఎంట్రీతో ఒక్కసారిగా సీన్ మారిపోయింది.దాని రాకతో అక్కడున్న పిల్లులు, కాకి, మూడూ భయపడిపోయాయి.రెప్పపాటులో పిల్లులు రెండూ, కాకి కూడా అక్కడి నుంచి తుర్రుమన్నాయి.
ఈ చిన్న వీడియో ఇప్పటికే అంటే 35 లక్షలకు పైగా వ్యూస్ సాధించింది.69,000కు పైగా లైక్స్ కూడా వచ్చాయి.జంతువుల ఫన్నీ, ఊహించని చేష్టలకు నెటిజన్లు ఫిదా అవుతున్నారు.చాలా మంది ఇది యాక్షన్ కామెడీ సినిమాకు వైల్డ్ స్ట్రీట్ వెర్షన్‌లా ఉందని జోకులు పేలుస్తున్నారు.మీరు ఇంకా ఈ వీడియో చూడకపోతే, ఇంటర్నెట్‌లోని ఫన్నీయెస్ట్ యానిమల్ మూమెంట్స్‌లో ఒకదాన్ని కచ్చితంగా మిస్ అయినట్లే, చూసి ఎంజాయ్ చేయండి.
