అకాల వర్షాలతో తడిసిన ధాన్యాన్ని కాంగ్రెస్ ప్రభుత్వమే కొనుగోలు చేస్తుందని మంత్రి తుమ్మల నాగేశ్వర రావు( Thummala Nageswara Rao ) అన్నారు.ఈ మేరకు తడిసిన ధాన్యాన్ని మద్ధతు ధరకు కొనుగోలు చేయాలని సంబంధిత అధికారులకు ఆదేశాలు జారీ చేశామని తెలిపారు.
ఈ క్రమంలోనే రైతులు( Farmers ) ఎవరూ అధైర్యపడొద్దని సూచించారు.కాంగ్రెస్ ప్రభుత్వం రైతు ప్రభుత్వమన్న మంత్రి తుమ్మల రైతన్నకు సర్కార్ ఎల్లప్పుడూ అండగా నిలుస్తుందని హామీ ఇచ్చారు.
అదేవిధంగా పంటలకు ప్రభుత్వమే ఇన్సూరెన్స్ ప్రీమియం చెల్లిస్తుందని ఆయన వెల్లడించారు.లోక్ సభ ఎన్నికల కోడ్( Lok Sabha Election Code ) ముగిసిన తరువాత చెప్పినట్లుగా రైతు భరోసా నగదును అందజేస్తామని తెలిపారు.
విత్తనాలు, ఎరువుల కోసం క్యూ లైన్లలో వేచి చూసే పరిస్థితి రానివ్వమన్న మంత్రి తుమ్మల ఆగస్ట్ 15వ తేదీలోపు రైతు రుణమాఫీ చేస్తామని స్పష్టం చేశారు.
