నో ఫ్లై లిస్టులో పేరు, పైగా ఉగ్రవాది.. నిజ్జర్‌కు ఇంతటి గౌరవమా , మీడియా ప్రశ్నకు తడబడ్డ కెనడా ఉప ప్రధాని

ఖలిస్తాన్ ఉగ్రవాది , ఖలిస్తాన్ టైగర్ ఫోర్స్ అధినేత హర్దీప్ సింగ్ నిజ్జర్ ( Hardeep Singh Nijjar )హత్యకు ఏడాది పూర్తయిన సందర్భంగా కెనడా పార్లమెంట్‌లో ఆయనకు నివాళులర్పించడం, స్వయంగా ఎంపీలు లేచి నిలబడి మౌనం పాటించడం విమర్శలకు దారి తీస్తోంది.

భారత ప్రభుత్వం ఒక ఉగ్రవాదిగా ప్రకటించిన వ్యక్తికి ట్రూడో సర్కార్ ఈ స్థాయిలో గౌరవం ఎందుకు కల్పిస్తోందని నెటిజన్లు భగ్గుమంటున్నారు.

ఈ నేపథ్యంలోనే మీడియా అడిగిన ప్రశ్నకు సమాధానం చెప్పలేక కెనడా ఉప ప్రధాని క్రిస్టియా ఫ్రీలాండ్( Deputy Prime Minister Chrystia Freeland ) తడబడ్డారు.నో ఫ్లై లిస్టులో ఉండి, మరణానికి ముందు తన బ్యాంక్ ఖాతాలు స్తంభింపజేయబడిన ఖలిస్తానీ వేర్పాటువాది హర్దీప్ సింగ్ నిజ్జర్‌కు ఈ స్థాయిలో నివాళి ఎందుకు జరుపుతున్నారని మీడియా ఆమెను ప్రశ్నించింది.

నిజ్జర్‌పై గత ప్రభుత్వం చర్యలు తీసుకున్నప్పటికీ.ట్రూడో ప్రభుత్వం అతనిని ఎందుకు గౌరవిస్తోందని ఫ్రీలాండ్‌ను ఓ జర్నలిస్ట్ అడిగాడు.

దీనికి ఆమె జవాబిస్తూ.కెనడా గడ్డపై కెనడా పౌరుడి హత్యను ఖండిస్తూ ప్రధాని జస్టిన్ ట్రూడో ( Prime Minister Justin Trudeau )వైఖరిని ప్రశంసించారు.

ఇది అంత తేలిక కాదని, దీనికి ఎంతో ధైర్యం కావాలని ఆమె అన్నారు.